Astana Ishki ister departamenti elordalyq «Haivil» turǵyn úi kesheninde órt kezinde qaza tapqandardyń kim ekenin anyqtady, dep habarlady Ult.kz tilshisi QazAqparat agenttigine silteme jasap.
«Oqiǵa ornynda 1953 jyly týǵan Nigeriia azamaty, onyń zaiyby - 1963 jyly týǵan Ulybritaniia azamatshasy, 8 jáne 17 jastaǵy kámelettik jasqa tolmaǵan balalarynyń múrdesi tabyldy», - dep habarlady IID.
Departamentte atap ótkendei, 14 shildede saǵat 05.00-de Baitursynov kóshesi boiynsha «Haivil» TK-de páterdiń órtengeni jaily is QR QK 292-baby 3-bóligi boiynsha Biryńǵai sotaldy tergeý tizilimine tirkeldi.
Eske salsaq, «Haivil» TK 9-shy qabatyndaǵy páterde órt shyqty. Saldarynan 4 adam kóz jumdy, onyń ekeýi balalar. Tilsiz jaýmen 25 órt sóndirýshi arpalysty. Órttiń naqty neden shyqqany anyqtalýda.
