Hairýlla Ǵabjalilov kezekten tys prezidenttik sailaýǵa kandidat retinde tirkeý úshin Ortalyq sailaý komissiiasyna qujattaryn tapsyrdy, - dep habarlaidy "Ult aqparat" OSK baspasóz qyzmetine silteme jasap.
"11 qazanda Qazaqstan Respýblikasynyń Ortalyq sailaý komissiiasyna «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq Zańynyń 54 jáne 55-baptaryna, sondai-aq «Qazaqstan Respýblikasy Prezidentiniń 2022 jylǵy 20 qarashaǵa taǵaiyndalǵan kezekten tys sailaýy boiynsha sailaý qujattarynyń nysandaryn belgileý týraly» Qazaqstan Respýblikasy Ortalyq sailaý komissiiasynyń 2022 jylǵy 23 qyrkúiektegi № 67/545 qaýlysyna sáikes Hairolla Maǵaýiiauly Ǵabjalilovtiń «Oralmandardyń «Asar» birlestigi» respýblikalyq qoǵamdyq birlestiginen Qazaqstan Respýblikasynyń Prezidenttigine kandidat bolyp usynylǵany týraly kelesi qujattary usynyldy:
1. «Oralmandardyń «Asar» birlestigi» respýblikalyq qoǵamdyq birlestiginiń joǵary organy otyrysynyń Qazaqstan Respýblikasynyń Prezidenttigine kandidat bolyp usyný týraly hattamasynan úzindi;
2. H.M. Ǵabjalilovtiń Qazaqstan Respýblikasynyń Prezidenttigine kandidat bolýǵa kelisimi týraly ómirbaiandyq derekteri qosa berilgen ótinishi;
3. Qazaqstan Respýblikasy Ortalyq sailaý komissiiasynyń shotyna sailaý jarnasynyń engizilgenin kýálandyratyn qujat;
4. Jeke basyn kýálandyratyn qujattyń kóshirmesi;
5. Joǵary bilimi týraly diplomynyń kóshirmesi" - delingen habarlamada.
Ashyq aqparat kózderine súiensek, Hairýlla Ǵabjalilov 90-jyldary Qazaqstannyń ulttyq valiýtasy – teńgeni jasaǵan dizainerler tobynyń quramynda jumys istegen.
