Foto: videodan alynǵan skrin
Talǵarda 12 jylǵa sottalǵan Hasan Qasymbaevtyń advokattary sot úkimimimen kelispei, apelliatsiialyq shaǵym túsirdi, dep habarlaidy Ult.kz Kazinform-ǵa silteme jasap.
– Búgin úkim jariialanǵan kúnnen beri 15 kún ýaqyt ótti. Keshe biz aldyn ala shaǵym berdik, endi ony tolyqtyramyz, óitkeni úkim keshe ǵana qolymyzǵa tidi. Qujatty muqiiat qarap, taldaýymyz kerek, ol 56 betten turady, - dedi advokattardyń biri Nariman Kervenov.
Buǵan deiin qorǵaýshylar sot sheshimimen kelispeitinin aityp, mindetti túrde apelliatsiialyq shaǵym túsiretinin aitqan edi.
Eske salaiyq, 2025 jylǵy 11 qarashada Talǵar aýdandyq soty Hasan Qasymbaevty adam urlaý, densaýlyqqa qasaqana aýyr ziian keltirý jáne qorqytyp aqsha bopsalaý isi boiynsha kináli dep tanydy.
Sot oǵan 12 jyl bas bostandyǵynan aiyrý jazasyn taǵaiyndady. Sonymen qatar is boiynsha taǵy bes adamǵa úkim shyqty. Keiinirek Almaty oblysy Talǵar aýdandyq soty Hasan Qasymbaev pen taǵy bes sottalýshyǵa qatysty úkimniń mán-jaiyn túsindirdi.
