Amerikalyq jazýshy Mark Tvenniń tanymal shyǵarmasy «Hanzada men qaiyrshy» romany qazaq tiline aýdaryldy, – dep habarlaidy «Ult aqparat».
«Foliant» baspasynan jaryq kórgen shyǵarmany belgili jýrnalist Dina Imambai aýdarǵan.
Romandaǵy negizgi oqiǵa Angliiada órbidi. Shyǵarmada XVI ǵasyrdaǵy halyqtyń turmys-tirshiligi men aqsúiekterdiń saraidaǵy ómir sýretteledi.
London shaharynda bir-birinen aýmaityn eki bala dúniege keledi. Onyń biri Ýels hanzadasy bolsa, ekinshisi – kedei otbasynan shyqqan Tom Kenti.
Tom Kenti patsha saraiynda ómir súrýdi ańsasa, hanzada erkindikti qalaidy. Sóitip bir kúni kútpegen jerden olardyń tilegi oryndalyp, shieleniske toly shytyrman oqiǵalarǵa tap bolady.
«Súp-súikimdi balaqai Tom Kentidiń basynan keshken hikaiasyn aýdaryp otyryp, naǵyz vizýalizatsiia degenniń ne ekenin burynǵylar da bilgenin baiqadym. Taqyr kedei otbasynda týǵan Tom patsha saraiyn, naǵyz hanzadany bir kórsem dep armandap, kúndiz oiynan, túnde túsinen shyqpai júrip aqyry korol saraiyna tap bolady, tipti biraz kún hanzada bolady. Korolderdiń kiiný, tamaq ishý tseremoniialaryn, merekelerin aýdarýda biraz qinalǵanymdy jasyrmaimyn. Múlde bólek halyq, bólek mentalitet qoi.
Qylmys jasaǵan adamdy qinaýlary qazaqqa uqsaidy eken, sonyń biri «kolodaǵa otyrǵyzý» – ortasyndaǵy oiyǵynan adamnyń qyl moiynyna kigizilip eki jaǵynan bekitiletin, iyqtyń ústinde turatyn aǵash taqta - «ajyrǵy». Aitpaqshy, bul kitap oryssha nusqasynan aýdaryldy. Jáne de oryssha aýdarmanyń barlyǵy keremet degen pikir durys emesine taǵy bir ret kózim jetti, birneshe jerde maǵynasyn durys jetkizbegenin baiqadym», – deidi Dina Imambai.
