Qýanysh Ysqaqov esimdi facebook qoldanýshysy óziniń jeke paraqshasynda qyzyqty beinejazba jariialady. Áleýmettik jelide qyzý talqylanyp jatqan bul videoda Qyzylorda oblysynyń ákimi Gúlshara Ábdihalyqova men jergilikti turǵyndardyń biriniń qysqasha áńgimesi túsirilipti, dep habarlaidy Skifnews.kz aqparat portaly.
Jazbada ashýly turǵyn oblys ákiminiń nysandardyń birin aralaýyna bailanysty "qoǵamdyq kólikterdi júrgizbei, kóshelerdi jaýyp tastaǵanyna" renishin bildirgen. Ol qaladaǵy mekemelerdiń birinen shabarmandaryn shubyrtyp shyǵyp kele jatqan ákimniń aldyna baryp osy máseleni tótesinen bir-aq qoiǵan.
«Salamatsyz ba, apai! Siz be Qyzylordanyń ákimi? Siz be, kele jatyrmyn dep joldy japtyryp júrgen!? Joldy jaýyp tastaǵandyqtan jaiaý keldik aýrýhanaǵa. Hannyń qyzysyz ba? Nege óitesizder, halyqty qorlap. Halyq ábirjip jatyr. Halyqtyń jaiyn biligińiz kelse, jaiaý júrińiz bizge uqsap. Mine, Qyzylorda oblysynyń ákimi osyndai. «Kele jatyrmyn» dep joldy japtyryp tastaityn», - deidi kadr syrtyndaǵy daýys.
Bir qyzyǵy, Gúlshara hanym dál munda oqys kezdesý bolady dep kútpegen sekildi.
«Iá, iá! Japtyrǵan joqpyn!, Ashyńdar!» deýge ǵana shamasy jetken. «Jaiaý júrýden sharshadyq!», - dep renishin aitqan turǵyndarmen tildesip, mán-jaidy túsindirip jarytpaidy. Birden esik pen tórdei qara kóligine minip kózden ǵaiyp bolady. Artynan kómekshileri men ákimdik qyzmetkerlerinen quralǵan shabarmandar toby janushyryp ere jónelgenin baiqaýǵa bolady. Qyzylordalyqtar «bul ne hannyń qyzy ma, ózi?» dep qala bergen.
Atalmysh jazbanyń naqty qashan ári qai jerde túsirilgeni belgisiz.
