قۋانىش ىسقاقوۆ ەسٸمدٸ facebook قولدانۋشىسى ٶزٸنٸڭ جەكە پاراقشاسىندا قىزىقتى بەينەجازبا جارييالادى. ەلەۋمەتتٸك جەلٸدە قىزۋ تالقىلانىپ جاتقان بۇل ۆيدەودا قىزىلوردا وبلىسىنىڭ ەكٸمٸ گٷلشارا ەبدٸحالىقوۆا مەن جەرگٸلٸكتٸ تۇرعىنداردىڭ بٸرٸنٸڭ قىسقاشا ەڭگٸمەسٸ تٷسٸرٸلٸپتٸ, دەپ حابارلايدى Skifnews.kz اقپارات پورتالى.
جازبادا اشۋلى تۇرعىن وبلىس ەكٸمٸنٸڭ نىسانداردىڭ بٸرٸن ارالاۋىنا بايلانىستى "قوعامدىق كٶلٸكتەردٸ جٷرگٸزبەي, كٶشەلەردٸ جاۋىپ تاستاعانىنا" رەنٸشٸن بٸلدٸرگەن. ول قالاداعى مەكەمەلەردٸڭ بٸرٸنەن شابارماندارىن شۇبىرتىپ شىعىپ كەلە جاتقان ەكٸمنٸڭ الدىنا بارىپ وسى مەسەلەنٸ تٶتەسٸنەن بٸر-اق قويعان.
«سالاماتسىز با, اپاي! سٸز بە قىزىلوردانىڭ ەكٸمٸ? سٸز بە, كەلە جاتىرمىن دەپ جولدى جاپتىرىپ جٷرگەن!? جولدى جاۋىپ تاستاعاندىقتان جاياۋ كەلدٸك اۋرۋحاناعا. حاننىڭ قىزىسىز با? نەگە ٶيتەسٸزدەر, حالىقتى قورلاپ. حالىق ەبٸرجٸپ جاتىر. حالىقتىڭ جايىن بٸلٸگٸڭٸز كەلسە, جاياۋ جٷرٸڭٸز بٸزگە ۇقساپ. مٸنە, قىزىلوردا وبلىسىنىڭ ەكٸمٸ وسىنداي. «كەلە جاتىرمىن» دەپ جولدى جاپتىرىپ تاستايتىن», - دەيدٸ كادر سىرتىنداعى داۋىس.
بٸر قىزىعى, گٷلشارا حانىم دەل مۇندا وقىس كەزدەسۋ بولادى دەپ كٷتپەگەن سەكٸلدٸ.
«يە, يە! جاپتىرعان جوقپىن!, اشىڭدار!» دەۋگە عانا شاماسى جەتكەن. «جاياۋ جٷرۋدەن شارشادىق!», - دەپ رەنٸشٸن ايتقان تۇرعىندارمەن تٸلدەسٸپ, مەن-جايدى تٷسٸندٸرٸپ جارىتپايدى. بٸردەن ەسٸك پەن تٶردەي قارا كٶلٸگٸنە مٸنٸپ كٶزدەن عايىپ بولادى. ارتىنان كٶمەكشٸلەرٸ مەن ەكٸمدٸك قىزمەتكەرلەرٸنەن قۇرالعان شابارماندار توبى جانۇشىرىپ ەرە جٶنەلگەنٸن بايقاۋعا بولادى. قىزىلوردالىقتار «بۇل نە حاننىڭ قىزى ما, ٶزٸ?» دەپ قالا بەرگەن.
اتالمىش جازبانىڭ ناقتى قاشان ەرٸ قاي جەردە تٷسٸرٸلگەنٸ بەلگٸسٸز.
