Elin súigen jan jerin de súiedi. El men jer birigip «Otan» uǵymyn bildiretini sózsiz. Táýelsiz elimizdiń rýhani kemeldenýi úshin Qazaqstan halqyna joldanǵan Elbasynyń baǵdarlamalyq maqalasy da osy oidy ushtai túsedi. Elbasy maqalasynda kózdelgen «Týǵan jer» baǵdarlamasyn iske asyrý maqsatynda «Qazaqstanyń qasietti rýhani qundylyqtary» dáriptelip, elimizde týǵan jerdi qadirleýge arnalǵan túrli sharalar ótkizilýde.
«Qazaqstannyń kieli jerleriniń geografiiasy» jobasyn iske asyrý maqsatynda aǵymdaǵy jyldyń 24-30 shildesi kúnderi aralyǵynda Pavlodar memlekettik pedagogikalyq institýty men «Pavlodar Geografiia úii» Qoǵamdyq birlestiginiń uiymdastyrýymen Pavlodar oblysy Baianaýyl ulttyq parkinde Qazaqstan Respýblikasy joǵary oqý oryndarynyń stýdentterine arnalǵan «Han Qoryq» QR jastar festivali ótti.
Jastardy tarihi jáne mádeni eskertkishtermen, óńirdiń tabiǵi qoryqtarymen, týristik jáne ekologiialyq zertteýlermen tanystyrýdy maqsat etken festivalǵa elimizdegi on bes irgeli joǵary oqý oryndarymen qatar bilim ordamyzdyń aǵa oqytýshysy, bilogiia ǵylymdarynyń kandidaty D.Quljanova óziniń shákirtterimen birge qatysty.
Festival Pavlodar memlekettik pedagogikalyq institýtynda ótken konferentsiiadan bastaý aldy. Konferentsiia barysynda festivalǵa qatysýshy JOO ókilderi ózderi kelgen ólkeniń tabiǵaty jáne bilim ordalarynyń jetistikterimen tanystyrdy. Óz kezeginde ýniversitetimizdiń stýdentteri Rametova Bahor, Juma Liazzat, Aitjan Merýert Arý Almatynyń kórikti jerleri men mádeni-tarihi oshaqtary jáne qara shańyraǵymyz týraly ázirlegen prezentatsiialary barsha konferentsiia qatysýshylaryn tánti etti.
Mádeni is-shara professor B.Jumadilov ótkizgen sheberlik saǵatpen jalǵasyn tapty. Bolat Jumadilov qatysýshylardy Baianaýyl Ulttyq parkimen jáne sondaǵy sirek kezdesetin ósimdikter men janýarlar álemimen tanystyryp ótti.
Festivaldiń kelesi kúnderi qatysýshylar qola jáne temir dáýirine qarasty eldimekenderdegi qazba jumystarymen tanysyp, Baianaýyl taýlarynyń eń biik silemderiniń biri Aqbet taýynyń shyńyna shyǵyp, 2200 metr biiktikti baǵyndyrdy.
Festivaldiń qorytyndy kezeńinde Pavlodar memlekettik pedagogikalyq institýtynyń rektory, himiia ǵylymdarynyń doktory, Halyqaralyq injenerler akademiiasynyń akademigi Altynbek Nýhuly qatysýshylarǵa óziniń alǵysyn bildirip, institýt ujymy atynan estelik syilyqtaryn tabystady. Altynbek Nýhuly óz sózinde Abai atyndaǵy kieli qara shańyraq ujymyna erekshe iltipat bildirdi.
Q.A. Bekbenbetova
Abai atyndaǵy Qazaq ulttyq pedagogikalyq
ýniversiteti Tárbie, áleýmettik jumystar jáne
jastar saiasaty jónindegi basqarma
bastyǵynyń orynbasary
Ult portaly
