kollaj: Tengrinews.kz
Mahambet Dosmuhambetov orynbasarlarynyń kinási dáleldense, otstavkaǵa ketýge daiyn ekenin málimdedi. Bul aqparatty Atyraý oblysy ákimdiginiń baspasóz qyzmeti jariialady, - dep habarlaidy Tengrinews.kz.
Atyraý oblysy ákimdiginiń baspasóz qyzmeti Atyraý oblysy ákiminiń orynbasary Baqytgúl Hamenovanyń ustalǵany týraly aqparatqa qatysty pikir bildirdi. Ákimdiktiń resmi ókili oblys ákimi buǵan deiin qyzmetinen ketýge daiyn ekenin málimdegenin aitty.
"Mahambet Dosmuhambetov buǵan deiin de zańǵa sáikes, sybailas jemqorlyqqa qatysy bar dep kúdikke ilingen orynbasarlarynyń biri sot úkimi boiynsha kináli dep tanylsa, qyzmetinen ketýge daiyn ekenin málimdegen", - dedi ákimdik ókili.
Eske salaiyq, Atyraý oblysy ákiminiń orynbasary Baqytgúl Hamenova para aldy degen kúdikpen ustalǵan bolatyn. Atyraý oblysynyń arnaiy tergeý soty oblys ákiminiń orynbasary Baqytgúl Hamenovany úiqamaqqa alý týraly sheshim shyǵardy. Onymen birge oblystyq mádeniet basqarmasynyń basshysy Aqylbek Rysqaliev te ustaldy.
