kórneki sýret
Atyraý oblysy ákimdigi oblys ákiminiń orynbasary Baqytgúl Hamenovaǵa qatysty tergeýde aitylǵan Abai eskertkishi týraly pikir bildirdi, - dep habarlaidy Tengrinews.kz.
Atyraý oblysynyń Mádeniet, muraǵat jáne qujattama basqarmasy málimetinshe, 2018 jyly 5 sáýirde Atyraý oblysynyń tarih jáne mádeniet eskertkishterin qorǵaý jónindegi komissiia otyrysynda Abai Qunanbaevqa eskertkish ornatýdy maquldaǵan. Usynys Mádeniet ministrligine joldanǵan, 17 shildede ony Qazaqstan Mádeniet jáne sport ministrligi janyndaǵy monýmentaldy ónerdiń jańa qurylystaryn ornatý jónindegi komissiia maquldady.
Músin jobalaryna baiqaý ótkizilip, 2019 jyldyń 19 qarashasynda qaralǵan. Oblystyq komissiia eki nusqany iriktep alyp, 20 qarashada respýblikalyq komissiia músinshi Nartov Asqar Maratulynyń 777888 úlgisin úzdik dep tanyǵan.
"Atyraý qalasynda Abai Qunanbaevqa eskertkish ornatý úshin Atyraý mádeniet, tilderdi damytý, deneshynyqtyrý jáne sport bólimi 2021 jyldyń 3 qarashasynda "Balqytý" JShS direktory Ómirtai Oljanulymen 145 million 1 teńge 66 tiyn turatyn №16 kelisimshart jasasty", - dedi mádeniet basqarmasy ókili.
2021 jyly eskertkishti ornatýǵa 72 million 499 myń teńge bólingen. Bul soma tolyǵymen igerildi. Qalǵan soma 2022 jyldyń biýdjetinen bólinedi.
Buǵan deiin Atyraý oblysy ákiminiń orynbasary men óńirlik mádeniet basqarmasynyń basshysy para aldy degen kúdikpen ustalǵany habarlandy.
