2025 jylǵa deiin halyqtyń tabysyn arttyrý baǵdarlamasyna 197 mlrd teńge jumsalady. Bul týraly QR Premer-Ministriniń orynbasary Eraly Toǵjanov aitty, dep habarlaidy QazAqparat.
«Barlyǵy belgilengen. 2025 jylǵa deiin halyqtyń tabysyn arttyrý baǵdarlamasyna 197 mlrd teńge baǵyttalǵan», - dedi Úkimet basshysynyń orynbasary «2025 jylǵa deiin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes barysynda BAQ ókilderiniń saýalyna orai.
Aita keteiik, osy jyldyń naýryz aiynda el Úkimeti qabyldaǵan 2025 jylǵa deiin halyqtyń tabysyn arttyrý baǵdarlamasy aiasynda Eńbek jáne halyqty áleýmettik qorǵaý ministrligi jańa jumys oryndaryn qurý, halyqty jumyspen qamtýǵa járdemdesý, eńbek resýrstarynyń daǵdylaryn jetildirý jáne jastardy kásiptik baǵdarlaý boiynsha 3 negizgi baǵytta jumys júrgizedi.
Mejeli jylǵa deiin elimizde 2 mln jumys orny qurylady.
