Memleket kómegine zárý turǵyndar kóbeiip keledi. Bul týraly Esep komitetiniń tóraǵasy Natalia Godýnova aitty, dep habarlaidy QazAqparat.
Onyń aitýynsha, ekonomikanyń jandanýy shaǵyn jáne orta bizneske oń áserin tigize bastady.
«Halyqtyń kópshiliginiń naqty ómir súrý deńgeii áli kóterilgen joq. Eń aldymen, infliatsiia yqpal etti. Aqshalai kirister qurylymynda eńbek etýden túsetin kirister úlesiniń tómendeýi jáne áleýmettik transfertterge táýeldiliktiń artýy baiqalady. Halyqtyń basym bóligi memlekettiń kómegine muqtaj, tutyný shyǵyndarynyń jartysynan kóbi azyq-túlikke jumsalady», - dedi Natalia Godýnova Májilistiń jalpy otyrysynda.
Sonymen qatar, Esep komitetiniń tóraǵasy halyqtyń basym bóligi nesie alǵanyn atap ótti.
«Jeke tulǵalarǵa ipotekanyń ósýi 38%, tutynýshylyq maqsattaǵy shyǵyn – 40% qurady. Bul – ekonomikaǵa beriletin kreditterdiń jalpy kóleminiń úshten biri. Nesie óteýge halyq tabysynyń 18%-dan astamy paidalanylady», - dedi Godýnova.
