QR Bilim jáne ǵylym ministri Erlan Saǵadiev 10-11 synyptarda tórt pándi aǵylshyn tilinde oqytýǵa daiyndyq jumystary jóninde baiandady, dep habarlaidy QazAqparat tilshisi.
Bul Memleket basshysy Nursultan Nazarbaevtyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýynda berilgen tapsyrma edi.
"10-11 synyptarda 4 pándi aǵylshyn tilinde oqytý úshin oqýlyqtardy, metodikalyq keshendi daiyndaý, ekspertiza jasaý jáne aprobatsiialaý, muǵalimderdiń daiyndyǵyn arttyrý syndy jumystary júrip jatyr. Bul másele boiynsha ata-analarmen, muǵalimdermen, mektep direktorlarymen talqylaýdy jalǵastyramyz. Sebebi, bizge daiyndyqty naqty túsiný qajet. Birneshe ózgerister bolady, ony oqý jylynyń aiaǵynda búkil qoǵamǵa jetkizemiz, - dedi E. Saǵadiev QR BǴM alqasynyń keńeitilgen otyrysynda.
Ministrdiń aitýynsha, joǵary synypta kei pánderdi aǵylshyn tilinde ótýge halyqtyń basym bóligi oń qabaq tanytyp otyr.
«Qazirgi eriktilik printsipi oń yqpalyn tigizip otyr. Elimizde 12 myńnan astam muǵalimder aǵylshyn tiliniń A2 deńgeiinen V2 deńgeiine ótý úshin erikti kýrstarǵa jazyldy. Bul - bizge qajetti muǵalimderdiń jartysy. Olar ótken jyldan beri oqyp keledi. Kóptegen direktorlar osy tásildi durys dep sanaidy, iaǵni eshkimdi til oqýǵa májbúrlemeý kerek. Al oqyǵysy kelgenderge - bar jaǵdaidy jasaý kerek. Halyqtyń 85 protsenti - muǵalimder, ata-analar men balalar birqatar pánderdiń aǵylshyn tilinde júrgizilgenin qalaidy. Sondyqtan, muny tiimdi paidalaný kerek", - dep óz sózin túiindedi ministr.
