قر بٸلٸم جەنە عىلىم مينيسترٸ ەرلان ساعاديەۆ 10-11 سىنىپتاردا تٶرت پەندٸ اعىلشىن تٸلٸندە وقىتۋعا دايىندىق جۇمىستارى جٶنٸندە باياندادى, دەپ حابارلايدى قازاقپارات تٸلشٸسٸ.
بۇل مەملەكەت باسشىسى نۇرسۇلتان نازارباەۆتىڭ «تٶرتٸنشٸ ٶنەركەسٸپتٸك رەۆوليۋتسييا جاعدايىنداعى دامۋدىڭ جاڭا مٷمكٸندٸكتەرٸ» اتتى جولداۋىندا بەرٸلگەن تاپسىرما ەدٸ.
"10-11 سىنىپتاردا 4 پەندٸ اعىلشىن تٸلٸندە وقىتۋ ٷشٸن وقۋلىقتاردى, مەتوديكالىق كەشەندٸ دايىنداۋ, ەكسپەرتيزا جاساۋ جەنە اپروباتسييالاۋ, مۇعالٸمدەردٸڭ دايىندىعىن ارتتىرۋ سىندى جۇمىستارى جٷرٸپ جاتىر. بۇل مەسەلە بويىنشا اتا-انالارمەن, مۇعالٸمدەرمەن, مەكتەپ ديرەكتورلارىمەن تالقىلاۋدى جالعاستىرامىز. سەبەبٸ, بٸزگە دايىندىقتى ناقتى تٷسٸنۋ قاجەت. بٸرنەشە ٶزگەرٸستەر بولادى, ونى وقۋ جىلىنىڭ اياعىندا بٷكٸل قوعامعا جەتكٸزەمٸز, - دەدٸ ە. ساعاديەۆ قر بعم القاسىنىڭ كەڭەيتٸلگەن وتىرىسىندا.
مينيستردٸڭ ايتۋىنشا, جوعارى سىنىپتا كەي پەندەردٸ اعىلشىن تٸلٸندە ٶتۋگە حالىقتىڭ باسىم بٶلٸگٸ وڭ قاباق تانىتىپ وتىر.
«قازٸرگٸ ەرٸكتٸلٸك پرينتسيپٸ وڭ ىقپالىن تيگٸزٸپ وتىر. ەلٸمٸزدە 12 مىڭنان استام مۇعالٸمدەر اعىلشىن تٸلٸنٸڭ ا2 دەڭگەيٸنەن ۆ2 دەڭگەيٸنە ٶتۋ ٷشٸن ەرٸكتٸ كۋرستارعا جازىلدى. بۇل - بٸزگە قاجەتتٸ مۇعالٸمدەردٸڭ جارتىسى. ولار ٶتكەن جىلدان بەرٸ وقىپ كەلەدٸ. كٶپتەگەن ديرەكتورلار وسى تەسٸلدٸ دۇرىس دەپ سانايدى, ياعني ەشكٸمدٸ تٸل وقۋعا مەجبٷرلەمەۋ كەرەك. ال وقىعىسى كەلگەندەرگە - بار جاعدايدى جاساۋ كەرەك. حالىقتىڭ 85 پروتسەنتٸ - مۇعالٸمدەر, اتا-انالار مەن بالالار بٸرقاتار پەندەردٸڭ اعىلشىن تٸلٸندە جٷرگٸزٸلگەنٸن قالايدى. سوندىقتان, مۇنى تيٸمدٸ پايدالانۋ كەرەك", - دەپ ٶز سٶزٸن تٷيٸندەدٸ مينيستر.
