Astanadaǵy Respýblikalyq elektrondyq densaýlyq saqtaý ortalyǵynda QR Premer-Ministriniń orynbasary Asqar Jumaǵaliev elektrondyq densaýlyq pasporty jobasymen tanysyp, onyń sanyń 80 paiyzǵa deiin arttyrýdy tapsyrdy.
«Jobany belsendi jáne kásibi túrde iske qosyp jatqandaryńyz baiqalady. Bul jumysty jalǵastyrý kerek. Qazir negizgi jumystar júrgizilip jatyr. Jergilikti deńgeide kompiýterler satyp alynyp, aqparattyq júieler damýda. Sondyqtan atalǵan júielerdiń durys jumys isteýin qamtamasyz etý mańyzdy. Muny jyl sońyna deiin aiaqtaý kerek», - dedi A. Jumaǵaliev.
Onyń aitýynsha, elimizdegi elektrondy densaýlyq pasporty tolyqtai enbedi. Sondai-aq, atalǵan júieniń ústimizdegi jyly túbegeili engiziletinin aitty.
«Qazir elimizdegi kei azamattarda elektrondyq pasport bar ekenin bilemin. Alaida kórsetkishti 80% jetkizý kerek. Qazir zańǵa ózgerister engizý boiynsha jumys istep jatyrsyzdar. Atalǵan júie 2019 jyldyń 1 qańtarynda jumys isteýi tiis», - dep basa aitty vitse-ministr.
Al, Qazaqstan Respýblikasynyń Densaýlyq saqtaý ministri Eljan Birtanov bolsa densaýlyq saqtaý salasynda aqparattyq tehnologiialar keńinen engizilip jatqanyn tilge tiek etti.
«Qazir jańa segmentti – patsientterge arnalǵan mobildi qosymshalardy belsendi damytyp jatyrmyz. Bul qosymshalar emhanalar men meditsinalyq aqparattyq júielermen bailanystyrylǵan. Iaǵni, qazirgi tańda júzmyńdaǵan adam mobildik qosymshany qoldanady - júkti áielder men qant diabetine shaldyqqandar jekelegen qosymshalardy júktep alyp, baqylaýǵa tura alady», - dedi E. Birtanov.
Sondai-aq, ol elektrondy densaýlyq saqtaý pasportynyń mańyzdyǵyna toqtalyp, onyń meditsinalyq kórsetýde aitarlyqtai paidasy bar ekendigin atap ótti.
«Biz úshin mańyzdy taǵy bir jait - aýrýlardy esepke alý. Máselen, ana ólimi boiynsha: áiel Astanada bosanyp, úiine qaitady. Eki aptadan soń, qyzýy kóterilip, sepsispen aýrýhanaǵa túsedi. Oǵan diagnoz qoiǵanda, júktiligi esepke alynbaidy. Mundai jaǵdai birneshe ret kezdesti, shyn máninde statistikanyń basqasha ekenin kórdik. Al qazir elektrondyq pasport arqyly barlyq aýrý tarihyn kórýge bolady. Endi patsienttiń diagnozyn joǵaltyp alý, qandai da bir jaittardy jasyryp qalýdan arylamyz. Bul meditsinalyq kómek sapasyna eleýli áser etedi», - dep túiindedi ministr.
.jpeg)