«Nur Otan» partiiasy Halyqty jumyspen qamtý jol kartasyn uzartýdy usynbaq. Bul týraly "Ult aqparat" partiianyń baspasóz qyzmetine silteme jasap habarlaidy.
Memleket basshysy Qasym-Jomart Toqaevtyń tapsyrmasy boiynsha halyqty jumyspen qamtýdy qoldaý úshin «Jumyspen qamtýdyń 2020-2021 jyldarǵa arnalǵan jol kartasy» baǵdarlamasy iske asyrylýda. Onyń negizgi maqsattary – jumyssyzdyq deńgeiiniń ósýine jol bermeý, qosymsha jumys oryndaryn qurý jáne eldi mekenderdiń infraqurylymyn damytý úshin jaǵdai jasaý. Partiialyq kýrator, «Nur Otan» partiiasy fraktsiiasynyń depýtaty Artýr Platonovtyń pikirinshe, 2021 jylǵa qarjylandyrýdyń qysqarý qaýpi bar.
«Qasym-Jomart Kemeluly Toqaev Joldaýynda «qazirgi kúrdeli jaǵdaida bizdiń basty mindetimiz – áleýmettik-ekonomikalyq turaqtylyqty, jumyspen qamtýdy jáne halyqtyń tabysyn saqtaý» dep atap ótti. Onyń erekshe basymdyq bere aitqan oiynyń túiini - qoldaý, kómek, qamqorlyq boldy. Olar ara-tura emes, turaqty bolýy kerek. Qalai bolǵanda da, álemdegi jaǵdai qalypqa kelgenge deiin jalǵasýy tiis. Iaǵni, Elbasy men Prezident saiasatynyń baǵyttaryn damyta otyryp, áleýmettik bastamalardy toqtatpai, óristetý kerek! Qazaqstannyń kóptegen damyǵan elderden aiyrmashylyǵy, áleýmettik tólemderdi qysqartyp, salyqty kóbeitpei, kerisinshe, azamattarǵa osy qiyn ýaqytta kómek kórsetý úshin barlyq jaǵdai jasaýǵa múmkindigi bar«, – dep atap ótti partiialyq kýrator.
Onyń aitýynsha, osyǵan orai «Nur Otan» partiiasy júzdegen myń qazaqstandyq paidalana alatyn zeinetaqy qarajatyn merziminen buryn alý kezinde tabys salyǵyn alyp tastaý týraly bastama kóterdi.
Óz kezeginde Jumyspen qamtýdyń jol kartasy – pandemiia kezinde óziniń tiimdiligin dáleldegen halyqty qoldaýdyń mańyzdy sharalarynyń biri. Sonyń arqasynda qazirdiń ózinde 177 myńnan astam qazaqstandyq jumysqa ornalastyryldy. Olardyń ai saiynǵy tabysy ortasha eseppen 90 myń teńgeni quraidy. Jobamen qamtylǵandardyń 40%-y – jumyspen qamtý ortalyqtary arqyly júgingen jastar. Baǵdarlama jastarǵa tabys tabýdan basqa, qazirgi jaǵdaida tipti qajettiligi artatyn jumys tájiribesin alýǵa múmkindik beredi.
«Aqmola oblysynyń Býrabai aýdanynda 3-toptaǵy múgedek Denis Priadko turady. Ol kolledjdegi oqýyn aspazshy mamandyǵy boiynsha aiaqtap, jol kartasy boiynsha jumysqa ornalasty. Bul mysal baǵdarlamanyń qarapaiym adamdarǵa ómirde óz ornyn tabýǵa, qabiletterin júzege asyrýǵa kómektesetinin aiqyn kórsetedi. Mundai mysaldar kóp», - dedi Artýr Platonov.
Jumysqa ornalastyrý problemalaryn sheshýmen qatar, infraqurylymdyq jobalardy iske asyrý mýltiplikativtik áser berdi.
«Bir ǵana Ekibastuz qalasynda 11 kópqabatty úi salynady. Bul degenimiz jaqyn arada 1,3 myńnan astam otbasy qonys toiyn toilaidy degen sóz. Meditsinalyq qyzmetkerler úshin 5 myń turaqty jumys ornyn quratyn 2,7 myń tósek-oryndyq 13 modýldi aýrýhana qurylysy júrgizilýde. Saiabaqtar men skverler salý, kóshelerdi kógaldandyrý, balalar men sport alańdaryn ornatý esebinen 900-ge jýyq eldi meken abattandyrylady», - dedi ol.
Artýr Platonov atap ótkendei, iske asyrylyp jatqan bastamalar jumys oryndaryn quryp qana qoimai, azamattardyń ómirin sapaly túrde jaqsarta otyryp, oń áserin tigizdi. Dese de, búginde pandemiianyń ekinshi tolqynynyń oryn alý yqtimaldyǵyna bailanysty ekonomikalyq ahýaldyń quldyraý qaýpi saqtalýda. Bul jumyssyzdyqtyń artýyna jáne azamattardyń edáýir bóliginiń ál-aýqatynyń nasharlaýyna ákelýi múmkin.
Baǵdarlamanyń áleýmettik mańyzdylyǵyn eskere otyryp, «Nur Otan« partiiasynyń kýratory 2021 jyly Jumyspen qamtý jol kartasyn iske asyrýdy jalǵastyrýdy jáne ony iske asyrýǵa qarjy bólýdi usynady. Sonymen qatar, meilinshe qomaqty nátijege qol jetkizý úshin Artýr Platonov eń kóp jumys oryndaryn quratyn jáne barynsha jumyspen qamtamasyz etetin jobalardy tańdaý qajet dep sanaidy.
«Jumyspen qamtýdyń jol kartasyn iske asyrý barysyn naqty ýaqyt rejiminde qadaǵalaýǵa múmkindik beretin mamandandyrylǵan aqparattyq júieni jasaý durys bolar edi. Sondai-aq, «Nur Otan» partiiasynyń belsendilerin jergilikti halyqtyń suranystaryna nazar aýdara otyryp, jobalardy irikteý men qalyptastyrýǵa tartqan jón», - dep túiindedi partiialyq kýrator.
