Biyl 20 sáýirden bastap halyqtan zańsyz saqtalǵan atys qarýyn, oq-dáriler men jarylǵysh zattardy satyp alý aktsiiasy ótkizilýde. Bul týraly QR Ishki ister ministrligi ótkizgen tikelei efirdegi brifingide aityldy, dep habarlaidy "Ult aqparat".
«Bul aktsiianyń maqsaty - atys qarýymen jasalatyn quqyq buzýshylyqtardyń aldyn alý. Aktsiia bastalǵannan beri ishki ister organdaryna azamattar erikti túrde 619 birlik atys qarýyn, onyń ishinde 71 birlik – oiyq uzyn uńǵyly; 537 birlik – tegis uńǵyly; 11 birlik – travmatikalyq; 1 snariad; 14 283 qarýdyń patrondaryn tapsyrdy.
Barlyq tapsyrylǵan qarý esepke alý boiynsha tekserildi jáne kriminalistikalyq saraptamadan ótýde», - deidi QR IIM resmi ókili Nurdildá Oraz.
Onyń aitýynsha, tapsyrylǵan qarý-jaraq úshin beriletin tólemniń aldyn ala somasy 58 mln.747 myń teńgeni quraidy.
Eske sala ketsek, zańsyz saqtalǵan qarý-jaraqty satyp alý aktsiiasy 20 sáýirde bastaldy. Ony ótkizýge respýblikalyq biýdjetten 95 mln. teńgeden astam qarajat bólindi.
Erejege sáikes, zańsyz saqtalǵan atys qarýyn, oq-dárilerdi, jarylǵysh zattardy aqshalai syiaqy úshin tapsyrýǵa niet bildirgen azamat kez kelgen aýmaqtyq politsiia organyna ótinish bere alady.
