QR Memlekettik qyzmet isteri jónindegi agenttiktiń memlekettik qyzmet departamentiniń direktory Eldar Úisimbaev jer qatynastary, áleýmettik sala, turǵyn úi sharýashylyǵy salasynda qyzmet kórsetetin memlekettik qyzmetshilerdiń jumysyna shaǵym kóbirek túsetinin málimdedi, dep habarlaidy QazAqparat.
«Qazaqstanda eń jii suralatyn memlekettik qyzmetterdiń birinshi leginde dárigerge jazylý qyzmeti tur. Biraq bul sanatta kemshilik barshylyq. Memlekettik tirkeýge minjetti emes jyljymaly múlikti tirkeý máselesinde de tehnikalyq aqaý jii kezdesedi. Osy rette halyqtyń oryndy synyn eskerip, tiisti sheshim qabyldaý úshin agenttik memlekettik organdarǵa aqparattyq júielerin aprobatsiiadan ótkizýdi usynyp jatyr», - dedi Eldar Úisimbaev elordada ótken baspasóz máslihatynda.
Onyń aitýynsha memlekettik qyzmetti ala almaǵan azamattardyń quqyǵyn qorǵaý máselesine basa nazar aýdarylyp jatyr.
«2020 jyly agenttik pen onyń aimaqtardaǵy bólimderine 1442 shaǵym kelip tústi. Kóp jaǵdaida jer qatynastary, áleýmettik sala, turǵyn úi sharýashylyǵy salasynda qyzmet kórsetetin memlekettik qyzmetshilerdiń jumysyna shaǵym kóbirek túsedi», - dedi ol.
Eske sala ketsek buǵan deiin BUU reitinginde 2020 jyly Qazaqstanda elektrondy úkimet deńgeii 10 pozitsiiaǵa jaqsarǵany habarlanǵan bolatyn. Atalmysh reitingte Qazaqstan 193 memlekettiń ishinde 29-shy orynda tur.
