قر مەملەكەتتٸك قىزمەت ٸستەرٸ جٶنٸندەگٸ اگەنتتٸكتٸڭ مەملەكەتتٸك قىزمەت دەپارتامەنتٸنٸڭ ديرەكتورى ەلدار ٷيسٸمباەۆ جەر قاتىناستارى, ەلەۋمەتتٸك سالا, تۇرعىن ٷي شارۋاشىلىعى سالاسىندا قىزمەت كٶرسەتەتٸن مەملەكەتتٸك قىزمەتشٸلەردٸڭ جۇمىسىنا شاعىم كٶبٸرەك تٷسەتٸنٸن مەلٸمدەدٸ, دەپ حابارلايدى قازاقپارات.
«قازاقستاندا ەڭ جيٸ سۇرالاتىن مەملەكەتتٸك قىزمەتتەردٸڭ بٸرٸنشٸ لەگٸندە دەرٸگەرگە جازىلۋ قىزمەتٸ تۇر. بٸراق بۇل ساناتتا كەمشٸلٸك بارشىلىق. مەملەكەتتٸك تٸركەۋگە مٸنجەتتٸ ەمەس جىلجىمالى مٷلٸكتٸ تٸركەۋ مەسەلەسٸندە دە تەحنيكالىق اقاۋ جيٸ كەزدەسەدٸ. وسى رەتتە حالىقتىڭ ورىندى سىنىن ەسكەرٸپ, تيٸستٸ شەشٸم قابىلداۋ ٷشٸن اگەنتتٸك مەملەكەتتٸك ورگاندارعا اقپاراتتىق جٷيەلەرٸن اپروباتسييادان ٶتكٸزۋدٸ ۇسىنىپ جاتىر», - دەدٸ ەلدار ٷيسٸمباەۆ ەلوردادا ٶتكەن باسپاسٶز مەسليحاتىندا.
ونىڭ ايتۋىنشا مەملەكەتتٸك قىزمەتتٸ الا الماعان ازاماتتاردىڭ قۇقىعىن قورعاۋ مەسەلەسٸنە باسا نازار اۋدارىلىپ جاتىر.
«2020 جىلى اگەنتتٸك پەن ونىڭ ايماقتارداعى بٶلٸمدەرٸنە 1442 شاعىم كەلٸپ تٷستٸ. كٶپ جاعدايدا جەر قاتىناستارى, ەلەۋمەتتٸك سالا, تۇرعىن ٷي شارۋاشىلىعى سالاسىندا قىزمەت كٶرسەتەتٸن مەملەكەتتٸك قىزمەتشٸلەردٸڭ جۇمىسىنا شاعىم كٶبٸرەك تٷسەدٸ», - دەدٸ ول.
ەسكە سالا كەتسەك بۇعان دەيٸن بۇۇ رەيتينگٸندە 2020 جىلى قازاقستاندا ەلەكتروندى ٷكٸمەت دەڭگەيٸ 10 پوزيتسيياعا جاقسارعانى حابارلانعان بولاتىن. اتالمىش رەيتينگتە قازاقستان 193 مەملەكەتتٸڭ ٸشٸندە 29-شى ورىندا تۇر.
