Memleket basshysy Qasym-Jomart Toqaev «QAZAQSTAN» telearnasyna bergen suhbatynda qańtar oqiǵalaryna qatysty tergeý áli de júrgizilip jatqanyn, sondyqtan onyń nátijelerin aitý áli erte ekenin málimdedi, dep habarlaidy "Ult aqparat".
"Qazir óte aýqymdy tergeý jumystary júrgizilip jatyr. Bas prokýratýra naqty aqparatty júieli túrde jariialap jatyr. Qandai da nátije týraly aitýǵa áli erte. Bul - óte kúrdeli másele. Qazir tergeý qupiia túrde júrgizilip jatyr. Óitkeni, bul óte erekshe is bolǵandyqtan biraz ýaqyt kerek. Kóp uzamai halqymyzdy mazalap otyrǵan suraqtarǵa mindetti túrde jaýap beriledi. Bári de aitylady. Halyqtan eshteńeni jasyryp qalmaimyz. Qazir tek myna nárseni ǵana aita alamyn. Bul bizdiń halqymyzdyń qaýipsizdigine, elimizdiń tutastyǵyna tóngen qaýip boldy", - dedi Memleket basshysy.
