Shyǵys Qazaqstan oblysynyń ákimi Danial Ahmetov Prezident Qasym-Jomart Toqaevtyń Abai oblysyn qurý týraly usynysyna qatysty pikir bildirdi, - dep habarlaidy Tengrinews.kz.
"Bul óte jaqsy bastama, taǵy ne aita alamyn. Endi eki oblys bolady. Halyqqa jaqsy, bizge de jaqsy", - dedi Danial Ahmetov Parlament palatalarynyń birlesken otyrysynan keiin jýrnalisterdiń suraqtaryna jaýap berip.
Buǵan deiin Prezident Qasym-Jomart Toqaev Semei aimaǵynda Abai oblysyn qurýdy usynǵan edi.
"Semei aimaǵynda Abai oblysyn qurýdy usynamyn. Semei qalasy jańa oblystyń ortalyǵy bolady. Osy máseleni aimaq turǵyndary kópten beri aityp júrgenin bilemin. Qazir ol jaqta sheshimin tappaǵan túitkilder az emes. Mysaly, aimaqtyń ishki infraqurylymy ábden tozǵan", - dedi Toqaev.
