شىعىس قازاقستان وبلىسىنىڭ ەكٸمٸ دانيال احمەتوۆ پرەزيدەنت قاسىم-جومارت توقاەۆتىڭ اباي وبلىسىن قۇرۋ تۋرالى ۇسىنىسىنا قاتىستى پٸكٸر بٸلدٸردٸ, - دەپ حابارلايدى Tengrinews.kz.
"بۇل ٶتە جاقسى باستاما, تاعى نە ايتا الامىن. ەندٸ ەكٸ وبلىس بولادى. حالىققا جاقسى, بٸزگە دە جاقسى", - دەدٸ دانيال احمەتوۆ پارلامەنت پالاتالارىنىڭ بٸرلەسكەن وتىرىسىنان كەيٸن جۋرناليستەردٸڭ سۇراقتارىنا جاۋاپ بەرٸپ.
بۇعان دەيٸن پرەزيدەنت قاسىم-جومارت توقاەۆ سەمەي ايماعىندا اباي وبلىسىن قۇرۋدى ۇسىنعان ەدٸ.
"سەمەي ايماعىندا اباي وبلىسىن قۇرۋدى ۇسىنامىن. سەمەي قالاسى جاڭا وبلىستىڭ ورتالىعى بولادى. وسى مەسەلەنٸ ايماق تۇرعىندارى كٶپتەن بەرٸ ايتىپ جٷرگەنٸن بٸلەمٸن. قازٸر ول جاقتا شەشٸمٸن تاپپاعان تٷيتكٸلدەر از ەمەس. مىسالى, ايماقتىڭ ٸشكٸ ينفراقۇرىلىمى ەبدەن توزعان", - دەدٸ توقاەۆ.
