«Nur Otan» partiiasy jaqtastarynyń zoom-konferentsiiaǵa Almaty oblysy Taldyqorǵan qalasynan qatysqan bloger Dana Erikqyzy praimerizge elmen etene jaqyn jumys istei alatyn, halyq aldynda bedeldi azamattardyń qatysqany jón degen pikirin bildirdi.
Dana Erikqyzynyń aitýynsha, eldiń seniminen shyǵý úshin sheneýnikterdiń sózi jergilikti jerde ótimdi bolýy kerek.
«Árbir sózin halyqqa anyq, ashyq aityp, problemany jergilikti jerde: aýyl, aýdan, qala, oblys deńgeiinde sheshe biletin ákimqaralar kóp bolýy tiis. Qazir el problemasyn áleýmettik jeli arqyly aitqandy jón kóredi. Sebebi, jergilikti basqarýshy organdardyń jumysyna el senbeidi. Jumysy kóńil kónshitpeidi. Aýdan, qala, aýyl aimaqta sheshimin tappaǵan másele áleýemettik jeli arqyly basshylarǵa tez jetedi. Óitkeni aimaqtarda ákimniń qabyldaýyna barǵan adam oǵan problemasyn aityp, esiginen kire almaidy. Sondyqtan jergilikti sheneýnikter halyqtyń seniminen shyǵýy úshin áleýmettik jeliniń de jumysyn jan-jaqty meńgerýi tiis. Praimerizge qatysyp, eldiń muń-muqtajyn bilikke jetkizýge tyrysamyn», – deidi bloger.
Ol áleýmettik jelide aitylǵan másele der kezinde sheshimin tapsa, jergilikti sheneýnikter qarapaiym aýyl, aýdan turǵyndarynyń aitaryna mán berse degen ótinishin de aitty. Onyń aitýynsha, aýyl-aimaqtyń problemasyna jergilikti sheneýnikter nazar aýdarsa, halyq narazylyq tanytyp, kóshege shyqpaidy.
.jpeg)