«Azamattarǵa arnalǵan úkimet» memlekettik korporatsiiasy QR kodty paidalana otyryp, Halyqqa qyzmet kórsetý ortalyqtary jumysynyń sapasyn baǵalaý júiesin iske qosty, dep habarlaidy "Ult aqparat".
Korporatsiia málimetinshe, kelýshiler onyń kómegimen qyzmet kórsetý protsesi, mádenieti jáne bólimniń infraqurylymy siiaqty jaittar boiynsha óz pikirlerin qaldyra alady. Búginde 500-den astam azamat bul tásildi qoldanyp, halyqqa qyzmet kórsetý bólimderiniń jumys sapasyn baǵalap úlgerdi.
«Elimizdegi 339 bólimniń árqaisysynda kelýshiler QR kody ornatylǵan stendterdi taba alady. QR kodty oqyp-tanityn qosymshany paidalaný arqyly klientter smartfondaǵy saýalnama paraǵyna birden ótedi. Azamattar onda operatordyń jumysyna kóńili tolǵanyn, qyzmetti alý yńǵaily bolǵan/bolmaǵanyn, qajet aqparatty ala alǵanyn aityp bere alady. Sonymen qatar qyzmet alýshylar ózderiniń tilek-pikirlerin front-ofis fotosýretin nemese beinesin júkteý arqyly da bildirýge múmkindigi bar», - dep atap ótedi korporatsiianyń baspasóz qyzmetinen.
Atalǵan keri bailanys kelýshilerdiń memlekettik korporatsiia qyzmetine qatysty pikirin bilý jáne olardyń qanaǵattaný deńgeiin anyqtaý úshin qajet. Sondai-aq saýalnama nátijeleri bólimderdegi kemshilikterdi anyqtaýǵa jáne olardy jedel joiýǵa múmkindik beredi.
