Memlekettik mereke – QR Tuńǵysh Prezidenti kúnine bailanysty 1 jeltoqsan Qazaqstannyń HQO-lary men mamandandyrylǵan HQO-lary jumys istemeidi, dep habarlaidy "Ult aqparat" "Azamattarǵa arnalǵan úkimet" memlekettik korporatsiiasyna silteme jasap.
Búgingi tańda elimizde 334 Halyqqa qyzmet kórsetý bólimi, onyń ishinde 32 mamandandyrylǵan bólim bar, onda azamattar memlekettik qyzmetterdiń 662 túri boiynsha júgine alady. Sondai-aq azamattar elektrondyq anyqtamalar men qyzmetterdi mereke kúnderine qaramastan, egov.kz portaly, egovkzbot2.0 telegram-boty, egov mobile qosymshasy arqyly onlain túrde kez kelgen jerden rásimdei alady.
"Biz qazaqstandyqtardy jeltoqsan aiynda atap ótiletin merekelerimen quttyqtaimyz. Kópshilik demalys jáne mereke kúnderine deiin barlyq qujatyn túgendep-jinastyrýǵa, qandai da bir anyqtamasyn jańartyp qalýǵa tyrysady. HQO-lar dúisenbiden jumaǵa deiin úzilissiz saǵat 9.00-den 18.00-ge deiin jumys isteitinin eske salamyn. Senbi, jeksenbi jáne memlekettik mereke kúnderi – demalys", – dedi Memlekettik korporatsiianyń qoǵammen bailanys jónindegi basqarýshy direktory Bairam Azizov.
Halyqqa qyzmet kórsetý ortalyqtary, sondai-aq 16-17 jeltoqsanda QR Táýelsizdik kúnine bailanysty jumys istemeitin bolady.
