Qazaqstandyqtar belsendi túrde daýys berip, sailaý ýchaskelerine jaqsy kóńil-kúimen kelip jatyr. Sputnik Qazaqstan baspasóz ortalyǵynda ótken onlain-brifingte TMD PAA halyqaralyq baqylaýshylary referendýmnyń qalai ótip jatqany týraly aityp berdi.
Baqylaýshylar tańǵy saǵat 7-den bastap Qazaqstannyń ár óńirindegi sailaý ýchaskelerin aralap júr.
"Ádette, ýchaskeler tańerteń erte ashylyp, daýys berýge adamdar óte az keledi. Bul joly adamdar daýys berý ýchaskeleriniń ashylýyn kútip turǵanyn baiqadym. Bul Qazaqstan azamattary azamattyq ustanymdaryn bildirý úshin belsendilik tanytyp otyrǵanyn bildiredi. Iaǵni, olar eldiń bolashaǵyna bei-jai qaramaidy. Kún sońyna deiin sailaý ýchaskelerine keletin adamdardyń sany óte kóp bolady dep paiymdaýǵa negiz bar", - dedi Ázerbaijan Melli Medjlisiniń agrarlyq saiasat komiteti tóraǵasynyń orynbasary, baqylaýshylar tobynyń úilestirýshisi Sabir Gadjiev.
Ol kez kelgen referendýmda eń bastysy adamdardyń kelýi ekenin atap ótti.
"Kúnniń birinshi jartysyndaǵy alǵashqy saǵattarda da halyqtyń belsendiligi joǵary boldy. Muny bizdiń ókilderimiz usynǵan aqparat rastap tur", - dedi Gadjiev.
Baqylaýshylar eldiń referendým ótkizýdegi az tájiribesine qaramastan, barlyq naýqandy daiyndaý sapasynyń joǵary ekenin atap ótti.
"Bastysy engizilgeli jatqan ózgeristerdiń máni halyqqa jete túsindirildi. Al protsess kezindegi tehnikalyq máseleler retimen sheshilip jatty. Mysaly, biz zańda "jergilikti baqylaýshylar" uǵymy qarastyrylmaǵanyn bildik. Sonda da demokratiiaǵa jol berilip, daýys berý kúninde de ókil (belsendi – redaktsiia eskertpesi) kez kelgen azamat akkreditatsiia ala aldy. Ol úshin erterek ýchaskelik nemese ortalyq komissiiaǵa barýdyń qajeti bolmady. Kez kelgen niet bildirgen azamat baqylaýshy bola alatyn múmkindik qarastyryldy", - dedi TMD PAA baqylaýshylar tobynyń úilestirýshisi.
TMD PAA Keńesi hatshylyǵynyń meńgerýshisi – bas hatshy Dmitrii Kobitskiidiń aitýynsha, baqylaýshylar referendým ótkizýdiń tehnikalyq jáne zańnamalyq sipatyn, azamattardyń belsendiligin, zań buzýshylyqtar men shaǵymdardyń bar-joǵyn baǵalaidy.
"Ýchaskelerde ýchaskelik sailaý komissiialary jaqsy daiyndyqtan ótkenin, olar óz isin biletinin kórdik. Bul referendým boiynsha ortalyq sailaý komissiiasynyń úlken eńbeginiń jemisi. Túske deiin biz ýchaskelik sailaý komissiialarymen de, ulttyq baqylaýshylarmen de kezdestik. Ulttyq baqylaýshylar eshqandai zańbuzýshylyq tirkelmegenin aitty jáne múlde bolmaidy dep úmittenetinderin jetkizdi", - dedi Kobitskii.
TMD PAA toby 37 adamnan turady. Olar Qazaqstanda ǵana emes, sonymen qatar TMD elderi men Kanada, Qytai, Birikken Arab Ámirlikteri, Bolgariia, Frantsiia jáne taǵy basqa alys shet memleketterdegi sailaý ýchaskelerine baqylaý júrgizedi.
Kobitskiidiń aitýynsha, búgin TMD PAA baqylaýshylary DIAQB (Demokratiialyq institýttar jáne adam quqyqtary jónindegi biýro)/EQYU, túrkitildes elder parlamentaralyq assambleiasy ókilderimen de kezdesip, TMD Missiiasynyń atynan úilestirýshiler keńesine qatysady.
