Halyqqa beriletin shaǵyn nesielerdiń stavkasy 6 paiyzdan aspaýy tiis. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
«Eńbek» memlekettik baǵdarlamasy - halyqty jumyspen qamtýdyń negizgi quraly. Onyń «Bastaý – biznes» baǵyty boiynsha 150 myń adam oqyp shyqty. Biraq, tek 10 paiyzy nesiege, 19 paiyzy grantqa ie boldy. 100 myńnan astam adam memleket qoldaýynan tys qaldy»,- dedi Memleket basshysy.
QR Prezidenti ásirese, baǵdarlamanyń aýyldaǵy túlekterine qarjy jetpei jatqanyn basa aitty.
«Óitkeni aýylda banktar men damý institýttarynyń bólimsheleri joq. Sondyqtan baǵdarlamanyń qarjy kólemin ǵana emes ony júzege asyrý ustanymdary men tetikterin qaita qaraýymyz kerek. Oǵan bilikti mikroqarjy uiymdarynyń belsendi qatysýyn qamtamasyz etý - Úkimettiń mindeti. Halyqqa beriletin shaǵyn nesielerdiń stavkasy 6 paiyzdan aspaýy tiis»,- dedi Qasym-Jomart Toqaev.
