حالىققا بەرٸلەتٸن شاعىن نەسيەلەردٸڭ ستاۆكاسى 6 پايىزدان اسپاۋى تيٸس. بۇل تۋرالى ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«ەڭبەك» مەملەكەتتٸك باعدارلاماسى - حالىقتى جۇمىسپەن قامتۋدىڭ نەگٸزگٸ قۇرالى. ونىڭ «باستاۋ – بيزنەس» باعىتى بويىنشا 150 مىڭ ادام وقىپ شىقتى. بٸراق, تەك 10 پايىزى نەسيەگە, 19 پايىزى گرانتقا يە بولدى. 100 مىڭنان استام ادام مەملەكەت قولداۋىنان تىس قالدى»,- دەدٸ مەملەكەت باسشىسى.
قر پرەزيدەنتٸ ەسٸرەسە, باعدارلامانىڭ اۋىلداعى تٷلەكتەرٸنە قارجى جەتپەي جاتقانىن باسا ايتتى.
«ٶيتكەنٸ اۋىلدا بانكتار مەن دامۋ ينستيتۋتتارىنىڭ بٶلٸمشەلەرٸ جوق. سوندىقتان باعدارلامانىڭ قارجى كٶلەمٸن عانا ەمەس ونى جٷزەگە اسىرۋ ۇستانىمدارى مەن تەتٸكتەرٸن قايتا قاراۋىمىز كەرەك. وعان بٸلٸكتٸ ميكروقارجى ۇيىمدارىنىڭ بەلسەندٸ قاتىسۋىن قامتاماسىز ەتۋ - ٷكٸمەتتٸڭ مٸندەتٸ. حالىققا بەرٸلەتٸن شاعىن نەسيەلەردٸڭ ستاۆكاسى 6 پايىزدان اسپاۋى تيٸس»,- دەدٸ قاسىم-جومارت توقاەۆ.
