Halyqaralyq «Jyl volonteri» baiqaýyna ótinimder qabyldaý bastaldy, dep habarlaidy "Ult aqparat" QR Aqparat jáne qoǵamdyq damý ministrliginiń baspasóz qyzmetine silteme jasap.
«Egerde Siz volonter nemese volonterlik uiym ókili bolsańyz Qazaqstan Respýblikasy Aqparat jáne qoǵamdyq damý ministrligi jariialaǵan «Jyl volonteri» halyqaralyq konkýrsyna qatysa alasyz» delingen habarlamada.
Buǵan deiin vedomstvo habarlaǵandai, QR Prezidenti Qasym-Jomart Toqaevtyń bastamasymen «Jyl volonteri» halyqaralyq syilyǵy taǵaiyndaldy.
Halyqaralyq syilyq áleýmettik jáne qoǵamdyq paidaly mindetterdi sheshýge úles qosqan otandyq jáne halyqaralyq volonterler men volonterlik toptardy kótermeleýge baǵyttalǵan.
26 qazanda ótinimderdi qabyldaý bastaldy.
Konkýrsqa qatysý úshin ótinishti jiberip, qazvolunteer.kz internet-platformasynda volonterlik qyzmet týraly málimetterdi toltyrý kerek.
Ótinimder 2020 jylǵy 15 qarasha kúni saǵat 09:00-ge deiin jalǵasady.
Baiqaý sharttary týraly tolyq málimet myna siltemede kórsetilgen.
