Nur-Sultanda Halyqaralyq Túrki akademiiasynda Túrki Memleketteri Táýelsizdiginiń 30 jyldyǵy aiasynda Qarabaq týraly jańa kitaptar tanystyryldy, dep habarlaidy QazAqparat.
Túrki akademiiasy «Qarabaq – Ázerbaijannyń jaýhary: tarihy, mádenieti, tabiǵaty», «Joǵalǵan baqyt: Qarabaqtyń shynaiy oqiǵalary» jáne «Ázerbaijan Halyq Respýblikasy» kitaptaryn shyǵardy.
«Halyqaralyq Túrki akademiiasy Qarabaq máselesinde árdaiym Ázerbaijannyń janynda boldy, qoldady. Búgin bizdiń eń úlken tartýymyz – Qarabaq týraly albom-kitap pen Ázerbaijan Respýblikasynyń júz jyldyǵyna arnalǵan kitap jáne Qarabaqtyń shynaiy oqiǵalary týraly áńgimeler jinaǵy jaryq kórdi. Oǵan ótken jyldan beri jyl boiy daiyndyq júrgizdik. Sapaly sýretter men materialdardy jinastyrdyq. Bizdiń bul kitapty baspaǵa berýimiz Ázerbaijannyń Shýshany alýymen sáikes keldi», - dedi Halyqaralyq Túrki akademiiasynyń prezidenti Darhan Qydyráli elordada jańa kitaptardyń tusaýkeserinde.
Onyń aitýynsha, úsh kitap ta qazaq tilinde jaryq kórgen. Al Qarabaq týraly áńgimeler jinaǵy – ázerbaijan tilinen ózge tilde jaryq kórgen jáne halyqaralyq uiym tarapynan shyǵarylǵan alǵashqy kitap.
Alqaly jiynǵa Halyqaralyq Túrki akademiiasynyń prezidenti Darhan Qydyráli, Ázerbaijan Respýblikasynyń Qazaqstandaǵy Tótenshe jáne Ókiletti elshisi Rashad Mammadov, Qyrǵyz Respýblikasynyń Qazaqstandaǵy Tótenshe jáne ókiletti elshisi Jeenbek Kýlýbaev, Ózbekstan Respýblikasynyń Qazaqstan Respýblikasyndaǵy Elshiliginiń birinshi hatshysy Mýzaffar Ýsmanov, S.Seifýllin mýzeiiniń direktory Nesipbek Aituly, Ázerbaijan ulttyq májilisiniń mádeniet komitetiniń basshysy, qoǵam qairatkeri, jýrnalist Ganira Pashaeva jáne túrkiialyq jazýshy, Eýraziia jazýshylar odaǵynyń tóraǵasy Iakýp Ómeroǵly jáne basqa da memleket jáne qoǵam qairatkerleri, Qyrǵyzstan, Ózbekstan jazýshylary, ziialy qaýym ókilderi qatysty.
