Kelesi aida Qazaqstanda Armiia halyqaralyq oiyndary barysynda ótetin artilleriiadan oq atý sheberleri konkýrsy bastalady. Bul konkýrsta túrli elderdiń áskeri qyzmetshileri minaatqysh kesheninen, pýlemetten, granata atqysh, sondai-aq avtomattan oq atý tapsyrmalaryn dál ári naqty oryndap jarysatyn bolady, – dep habarlaidy «Ult aqparat».
Osy oraida konkýrstyń sharttary men erekshelikteri jaily QR Qarýly kúshteriniń Qurlyq áskerleri Bas qolbasshysynyń orynbasary, general-maior Asqar Jolamanov aityp beredi.
«Biyl altynshy ret bizdiń Qazaqstanda artilleriialyq oq atý sheberleri konkýrsy ótýde. Ol birinshiden, bizdiń Jambyl oblysy Qordai aýdany, Gvardiskii oqý-jattyǵý poligonynda ótedi. Ashylý saltanatyn 13 tamyzda ótedi jáne de 23 aiaqtalýy. On kún ishinde osy saiysty ótkizýge daiyndalyp jatyrmyz. 12 komanda qatysady, onyń 11-i shetel komandalary. Kóbinese burynǵy Keńes odaǵynyń aýmaǵynan keletin komandalar: Armeniia, Ázerbaijan, Resei. Alys shetelderden qatysatyn Vetnam komandasy, biyl ekinshi ret qatysaiyn dep otyr. Taǵy da Venesýela memleketinen kelmekshi. Siriia, Zimbabva - alys shalǵaidan keletin komandalardyń biri. Biyl daiyndyǵymyz jaqsy. Osy konkýrsymyzdy oidaǵydai ótkizemiz dep oilaimyz.
Bul konkýrstyń ádil ótýin bas tóreshi qamtamasyz etedi, bizdiń memleketten taǵaiyndalǵan. Munyń ótýine negizdeletin aldyn-ala nusqaýlyq jasalǵan. Bul nusqaýlyqta barlyǵy aldyn-ala kórsetilgen. Qalai ótedi, qandai qarý-jaraq pen qandai oqý-jattyǵýlarǵa, qai ýaqytta qandai ball beriletini, oǵan qaramastan sheshim ortaq qabyldanady. Bul úshin ár komandadan tóreshi taǵaiyndalady. Mysaly, 12 komanda qatysatyn bolsa, 12 tóreshi bolady. Barlyq sheshim ujymdyq túrde qabyldanady. Árine, konkýrs bolǵannan keiin komandalar arasynda sporlar bolýy múmkin. Sony ádil sheshý úshin ár trassada, ár oqý-jattyǵý júretin jerlerde beinekameralar ornatylǵan. Eger kelispegen jaǵdailar bolyp jatsa, onda sol beinebaqylaýdy qaitadan kórip, anyqtap, durys sheshim qabyldaýǵa tóreshilerge negiz bolady», – deidi general-maior Asqar Jolamanov.
Onyń aitýynsha, Qazaqstan komandasy úsh kezeńnen daiyndyǵyn ótken. Iaǵni áskeri konkýrsqa saqadai sai degen sóz.
«Birinshi kezeń bólimshe men áskeri qurylymdardyń arasynda eń jaqsy degen minomettik bólimsheler anyqtalyp alady. Ekinshi kezeńde óńirlik qolbasshylyq arasynda jáne desanttyq shabýyldar áskerleriniń arasynda ótkiziledi. Odan da eń úzdik degen bólimsheler anyqtalyp, úshinshi kezeńde biz Qurlyq áskerleriniń arasynda osyndai saiys ótkizip, eń úzdik degen minomettik bólimshelerdi alyp, Qazaqstan quramasynyń negizin quraityn komanda jasaqtaldy. Sondyqtan neshe kezeńnen ótken áskeri minometshiler biliktiligin, jaqsy daiyndyǵyn osy saiysta kórsetedi dep senemiz.
Mundai áskeri oiyndardy ótkizý Qarýly kúshter úshin qanshalyqty paidaly?
Bul oiyndar kerek dep sanaimyn. Óitkeni, osy artilleriialyq oq atý konkýrsy birinshiden, biz kelgen memleketterdiń arasynda óz tájiribemizben almasamyz. Daiyndyq barysynda da ózderiniń sheberlikterin nyǵaitady. Budan basqasy halyqaralyq yntymaqtastyq, dostyq qarym-qatynas, tájiribe almasý, t.b jaqsy nátijeler bar. Sondyqtan bul oiyn kerek jáne bizdiń áskeri qyzmetshilerdiń biliktiligin joǵarylatýǵa áseri bar», – deidi QR Qarýly kúshteriniń Qurlyq áskerleri Bas qolbasshysynyń orynbasary, general-maior Asqar Jolamanov.
