Foto: Mádeniet jáne aqparat ministrligi
Mádeniet jáne aqparat ministrligi kinoindýstriia salasy boiynsha 2024 jyldy qorytyndylady, dep habarlaidy Ult.kz.
Biyl 15 otandyq film keń prokatqa shyqty: «Alma men adam», «Jel toqtaǵan jer», «Almaty, ia liýbliý tebia», «Jizn posle», «Sońǵy úkim», «Jambyl. Jańa dáýir», «Baýryna salý», «Operatsiia «Nabat», «Shulamah», «Nosorog» («Dala qasqyry»), «Bratia», «Soldat liýbvi» («Stop, noch»), «Talaq», «Mama, ia jivaia!», «Qajymuqan». Bul filmderdiń barlyǵy memleket qarjysy esebinen túsirilgen.
Jeti film halyqaralyq deńgeide 34 marapatqa ie boldy, al «Baýryna salý» filmi «Oskar» syilyǵyna usynyldy.
Ázerbaijan, Qyrǵyzstan, Tájikstan, Túrikmenstan jáne Ózbekstanda Qazaqstan kinosy kúnderi ótti. Bul sharalar qazaqstandyq kino ónerin belsendi túrde nasihattaýǵa yqpal etti.
Elimizdiń mádeni ómirindegi mańyzdy oqiǵalardyń biri – XVII Halyqaralyq «Eýraziia» kinofestivali. Bul sharaǵa kóptegen qonaqtar, sonyń ishinde óner jáne kino salasyndaǵy tanymal tulǵalar qatysty.
«Qazaqfilm» kinostýdiia murasyn saqtaý jumystary jalǵasýda. Resei Federatsiiasynyń memlekettik kinofilmder qorynda saqtalǵan jáne qazaqstandyq kinonyń altyn qoryna kiretin 11 film tsifrlandyrylýda. Al, Keńes Odaǵy kezinde «Qazaqfilm» kinostýdiiasynda túsirilgen 7 film restavratsiialaný ústinde.
Halyqaralyq yntymaqtastyq aiasynda «Pobeditelei vidno na starte» filminiń túsirilimderi bastaldy. Bul joba Qazaqstan, Frantsiia, Niderlandy jáne Litva elderiniń birlesken ónimi. Sondai-aq, Qazaqstan Kann kinofestivaliniń Marché du Film kinonaryǵyna qatysty.
Biyl «Oijumbaq 2» («Golovolomka 2») gollivýdtyq blokbasteri, «Gadkii ia 4» jáne «Moana 2» animatsiialyq filmderi qazaq tilinde kórsetildi.
Sheteldik filmderdi qazaq tiline dýbliajdaý talaptaryn jeńildetý boiynsha qoldanystaǵy zańnamaǵa engiziletin túzetýler ázirlenip, Parlamentke usynyldy. Ministrlik memlekettik tildegi filmderdiń úlesin arttyrý jumystaryn jalǵastyrýdy josparlap otyr.
Qazirgi ýaqytta Senatta «Kinematografiia týraly» Zańǵa túzetýler qaralýda. Bul túzetýler «Qazaqfilmge» memlekettik qoldaý kórsetý máselelerin qamtidy.
