4 jyldan astam ýaqyt izdeýde júrgen «QazSýShar» RMK Aqmola filialy direktorynyń orynbasary urlanǵan biýdjet qarajatyn 46 mln teńgeden astam somasyn ótegen. Bul týraly Antikor News jobasynyń tikelei efirinde aityldy, dep habarlaidy "Ult aqparat".
«4 jyldan astam ýaqyt izdeýde júrgen «QazSýShar» RMK Aqmola filialy direktorynyń orynbasary urlanǵan biýdjet qarajatyn 46 mln. teńgeden astam somaǵa ótedi. Aqmola oblysy boiynsha Sybailas jemqorlyqqa qarsy qyzmet buǵan deiin QR AShM «QazSýShar» RMK birqatar laýazymdy tulǵalaryna qatysty sotqa deiingi tergeýdi aiaqtady», - deidi Agenttiktiń apparat basshysy Qýanysh Japaqov.
Onyń aitýynsha, RMK Aqmola filialy direktorynyń orynbasary Amerika Qurama Shtattarynyń aýmaǵynda sotqa deiingi tergeý organynan jasyrynyp, halyqaralyq izdeý jariialanǵan.
«Sybailas jemqorlyqqa qarsy qyzmet qyzmetkerleriniń izdestirilýshi týystarymen júrgizgen túsindirý jumystarynyń nátijesinde 2020 jylǵy 21 tamyzda 46 187 614 teńge somasyndaǵy zalal tolyq kólemde óteldi jáne ol Qazaqstan Respýblikasyna óz erkimen kelýge daiyn ekendigin bildirdi», - deidi ol.
