4 جىلدان استام ۋاقىت ٸزدەۋدە جٷرگەن «قازسۋشار» رمك اقمولا فيليالى ديرەكتورىنىڭ ورىنباسارى ۇرلانعان بيۋدجەت قاراجاتىن 46 ملن تەڭگەدەن استام سوماسىن ٶتەگەن. بۇل تۋرالى Antikor News جوباسىنىڭ تٸكەلەي ەفيرٸندە ايتىلدى, دەپ حابارلايدى "ۇلت اقپارات".
«4 جىلدان استام ۋاقىت ٸزدەۋدە جٷرگەن «قازسۋشار» رمك اقمولا فيليالى ديرەكتورىنىڭ ورىنباسارى ۇرلانعان بيۋدجەت قاراجاتىن 46 ملن. تەڭگەدەن استام سوماعا ٶتەدٸ. اقمولا وبلىسى بويىنشا سىبايلاس جەمقورلىققا قارسى قىزمەت بۇعان دەيٸن قر اشم «قازسۋشار» رمك بٸرقاتار لاۋازىمدى تۇلعالارىنا قاتىستى سوتقا دەيٸنگٸ تەرگەۋدٸ اياقتادى», - دەيدٸ اگەنتتٸكتٸڭ اپپارات باسشىسى قۋانىش جاپاقوۆ.
ونىڭ ايتۋىنشا, رمك اقمولا فيليالى ديرەكتورىنىڭ ورىنباسارى امەريكا قۇراما شتاتتارىنىڭ اۋماعىندا سوتقا دەيٸنگٸ تەرگەۋ ورگانىنان جاسىرىنىپ, حالىقارالىق ٸزدەۋ جارييالانعان.
«سىبايلاس جەمقورلىققا قارسى قىزمەت قىزمەتكەرلەرٸنٸڭ ٸزدەستٸرٸلۋشٸ تۋىستارىمەن جٷرگٸزگەن تٷسٸندٸرۋ جۇمىستارىنىڭ نەتيجەسٸندە 2020 جىلعى 21 تامىزدا 46 187 614 تەڭگە سوماسىنداعى زالال تولىق كٶلەمدە ٶتەلدٸ جەنە ول قازاقستان رەسپۋبليكاسىنا ٶز ەركٸمەن كەلۋگە دايىن ەكەندٸگٸن بٸلدٸردٸ», - دەيدٸ ول.
