Halyqaralyq energetika agenttiginiń (HEA) qańtardaǵy esebinde 2022 jyly koronavirýstyń «omikron» shtamynyń taralýyna qaramastan, munaiǵa suranystyń ósimi kútilip otyrǵannan áldeqaida artatynyn boljap otyr. Agenttik 2021 jáne 2022 jyldardaǵy munai suranysynyń ósý baǵasyn táýligine 200 myń barrelge, sáikesinshe táýligine 5,5 million barrel jáne 3,3 million barrelge deiin kóterdi, dep habarlaidy QazAqparat TASS aqparat agenttigine silteme jasap.
«Álemde koronavirýs juqtyrý oqiǵalarynyń sany jyldam qarqynmen ósýde, biraq úkimetterdiń pandemiiany boldyrmaý boiynsha qabyldaǵan sharalar onsha qatań emes, sondyqtan olardyń ekonomikalyq belsendilik pen munai tutynýyna áseri álsireidi», - dep bildirdi pikirin HEA sarapshylary.
Osylaisha, 2021 jyldyń IV toqsanynda munai suranysy táýligine 1,1 mln barrelge, iaǵni boljanyp otyrǵannan 345 myń barrelge jyldam ósken. HEA-da «omikronnyń» burynǵy nusqalarmen salystyrǵanda juqpalylyǵy joǵary bolǵanyna qaramastan, adamdar úshin óte qaýipti emes ekenin eske salady. Sondyqtan koronavirýstyń bul túri óndiris pen ónerkásiptik protsesterdi toqtatpaidy, dep sanaidy vedomstvo.
OPEK+ elderi munai óndirý shekteýlerin tolyq alyp tastasa,
2022 jyly álemdik munai óndirisi táýligine 6,2 barrelge arta alady. Bul rette, ósimniń basym bóligi OPEK+ kelisimine kiretin elderden keledi, olar biylǵy jyly óndiristi táýligine 4,4 mln barrelge qosýy múmkin. Degenmen, bul sonymen qatar qazirgi kezde negizinen Saýd Arabiiasy men Birikken Arab Ámirlikterine tiesili álemdegi erkin taý-ken óndirisi qýatynyń qysqarýyn bildiredi, delingen baiandamada.
Al jalpy alǵanda, OPEK-ke kirmeitin elderdiń munai óndirisi 2022 jyly táýligine 1,8 mln barrelge artady. Munai óndirisin qalpyna keltirý jaǵynan AQSh kósh bastaidy, dep atap ótti HEA sarapshylary.
