حالىقارالىق ەنەرگەتيكا اگەنتتٸگٸنٸڭ (حەا) قاڭتارداعى ەسەبٸندە 2022 جىلى كوروناۆيرۋستىڭ «وميكرون» شتامىنىڭ تارالۋىنا قاراماستان, مۇنايعا سۇرانىستىڭ ٶسٸمٸ كٷتٸلٸپ وتىرعاننان ەلدەقايدا ارتاتىنىن بولجاپ وتىر. اگەنتتٸك 2021 جەنە 2022 جىلدارداعى مۇناي سۇرانىسىنىڭ ٶسۋ باعاسىن تەۋلٸگٸنە 200 مىڭ باررەلگە, سەيكەسٸنشە تەۋلٸگٸنە 5,5 ميلليون باررەل جەنە 3,3 ميلليون باررەلگە دەيٸن كٶتەردٸ, دەپ حابارلايدى قازاقپارات تاسس اقپارات اگەنتتٸگٸنە سٸلتەمە جاساپ.
«ەلەمدە كوروناۆيرۋس جۇقتىرۋ وقيعالارىنىڭ سانى جىلدام قارقىنمەن ٶسۋدە, بٸراق ٷكٸمەتتەردٸڭ پاندەمييانى بولدىرماۋ بويىنشا قابىلداعان شارالار ونشا قاتاڭ ەمەس, سوندىقتان ولاردىڭ ەكونوميكالىق بەلسەندٸلٸك پەن مۇناي تۇتىنۋىنا ەسەرٸ ەلسٸرەيدٸ», - دەپ بٸلدٸردٸ پٸكٸرٸن حەا ساراپشىلارى.
وسىلايشا, 2021 جىلدىڭ IV توقسانىندا مۇناي سۇرانىسى تەۋلٸگٸنە 1,1 ملن باررەلگە, ياعني بولجانىپ وتىرعاننان 345 مىڭ باررەلگە جىلدام ٶسكەن. حەا-دا «وميكروننىڭ» بۇرىنعى نۇسقالارمەن سالىستىرعاندا جۇقپالىلىعى جوعارى بولعانىنا قاراماستان, ادامدار ٷشٸن ٶتە قاۋٸپتٸ ەمەس ەكەنٸن ەسكە سالادى. سوندىقتان كوروناۆيرۋستىڭ بۇل تٷرٸ ٶندٸرٸس پەن ٶنەركەسٸپتٸك پروتسەستەردٸ توقتاتپايدى, دەپ سانايدى ۆەدومستۆو.
وپەك+ ەلدەرٸ مۇناي ٶندٸرۋ شەكتەۋلەرٸن تولىق الىپ تاستاسا,
2022 جىلى ەلەمدٸك مۇناي ٶندٸرٸسٸ تەۋلٸگٸنە 6,2 باررەلگە ارتا الادى. بۇل رەتتە, ٶسٸمنٸڭ باسىم بٶلٸگٸ وپەك+ كەلٸسٸمٸنە كٸرەتٸن ەلدەردەن كەلەدٸ, ولار بيىلعى جىلى ٶندٸرٸستٸ تەۋلٸگٸنە 4,4 ملن باررەلگە قوسۋى مٷمكٸن. دەگەنمەن, بۇل سونىمەن قاتار قازٸرگٸ كەزدە نەگٸزٸنەن ساۋد ارابيياسى مەن بٸرٸككەن اراب ەمٸرلٸكتەرٸنە تيەسٸلٸ ەلەمدەگٸ ەركٸن تاۋ-كەن ٶندٸرٸسٸ قۋاتىنىڭ قىسقارۋىن بٸلدٸرەدٸ, دەلٸنگەن باياندامادا.
ال جالپى العاندا, وپەك-كە كٸرمەيتٸن ەلدەردٸڭ مۇناي ٶندٸرٸسٸ 2022 جىلى تەۋلٸگٸنە 1,8 ملن باررەلگە ارتادى. مۇناي ٶندٸرٸسٸن قالپىنا كەلتٸرۋ جاعىنان اقش كٶش باستايدى, دەپ اتاپ ٶتتٸ حەا ساراپشىلارى.
