Almaty oblysynda taǵy da jaǵymdy jańalyq. Ashyp aitsaq, Batys Eýropa – Batys Qytai jolynyń boiynda ornalasqan Panfilov aýdanynda halyqaralyq deńgeidegi avtobeket salynbaq. Bul týraly oblystyq ákimdikte ótken qurylys jobalary jaiyndaǵy arnaiy jiynda aityldy.
Kezdesý óńir aýmaǵynda jańadan salynýy tiis qurylys nysandarynyń turǵyzylý tártibin qadaǵalaýdy maqsat etti. Atalǵan sharaǵa óńir basshysynyń birinshi orynbasary Lazzat TURLAShOV qatysyp, áýeli kún tártibinde qaralýy tiis jobalarmen tanysyp shyqty.
Osy rette, Panfilov aýdanynda salynatyn avtobekettiń joba-josparyna tolyqtai qanyqqan Lazzat Turlashov toǵyz joldyń torabyna ornalasqan atalmysh jobanyń oblys ákiminiń nazarynda ekenin aita kelip, ondaǵy qurylys sapasynyń qatań baqylaýda ustalýyn tapsyrdy.
– Bul jobanyń halyqaralyq mańyzy bar nysan ekenin bilemiz. Onyń ústine ol jolaýshylar úshin kópsalaly ári keshendi qyzmet kórsetý múmkindigine ie. Sol sebepti de onyń ishki-syrtqy árleý jumystary zaman talabyna sai, kóńilge qonymdy bolýy tiis, – dedi Lazzat Mahatuly.
Aitalyq, qazirge deiin avtoturaq, sý júieleri, ishinara dizain úlgisi qaita qaralyp, retteý jumystaryn ótkergen mekeme jobasy kópshilik tarapynan qoldaý tapqanymen, áli de bolsa ǵimarat syzbasyna ózgerister engizý kerektigi baiqalady.
Basqosý barysynda óńir ákiminiń birinshi orynbasary qurylys qarqyndy júrgizilgen saiyn oǵan degen jaýapkershiliktiń de arta túsetinin, sonymen birge, onyń sáýleti de basty nazarda bolýy kerektigin basa aitty. Osyǵan orai, qurylys salasynyń mamandary bas qosqan jiynda aimaqta salynatyn birqatar nysannyń turǵyzylý tártibi de qaraldy. Nátijesinde, olqylyqtar túzetilip, endigi jerde kemshilikterdiń qaitalanbaýy kerektigi eskertildi.
Máselen, Taldyqorǵanda boi kótergen eńseli óner ordasy – oblystyq drama teatr qurylysy da ákimdik nazarynan tys qalǵan emes. Sózimizdiń kýási sol, jiyn barasynda atalǵan nysan qurylysyna qatysty da mamandar pikiri de tyńdaldy. Sonyń ishinde ǵimarat qasbetiniń qandai úlgide jasalýy kerektigi talqylanyp, bul másele tóńireginde qurylys alańynda taǵy bir keńes ótetini aityldy.
Basqosýda budan bólek taǵy bes investitsiialyq joba qaralyp, nysandardyń ornalasý, salyný tártibindegi artyq-kem tustary saralandy. Bárinde de qurylys sapasynyń basty nazarda bolýy qatań qadaǵalanatyny aityldy. Sonymen qatar, biylǵy jyly el aýmaǵynda dúrkirep ótetin aitýly shara – Astananyń jiyrma jyldyǵyna tartý retinde salynyp jatqan nysandardyń da jai-japsary baiandaldy.
Qozybai QURMAN,
Almaty oblysy
