الماتى وبلىسىندا تاعى دا جاعىمدى جاڭالىق. اشىپ ايتساق, باتىس ەۋروپا – باتىس قىتاي جولىنىڭ بويىندا ورنالاسقان پانفيلوۆ اۋدانىندا حالىقارالىق دەڭگەيدەگٸ اۆتوبەكەت سالىنباق. بۇل تۋرالى وبلىستىق ەكٸمدٸكتە ٶتكەن قۇرىلىس جوبالارى جايىنداعى ارنايى جيىندا ايتىلدى.
كەزدەسۋ ٶڭٸر اۋماعىندا جاڭادان سالىنۋى تيٸس قۇرىلىس نىساندارىنىڭ تۇرعىزىلۋ تەرتٸبٸن قاداعالاۋدى ماقسات ەتتٸ. اتالعان شاراعا ٶڭٸر باسشىسىنىڭ بٸرٸنشٸ ورىنباسارى لاززات تۇرلاشوۆ قاتىسىپ, ەۋەلٸ كٷن تەرتٸبٸندە قارالۋى تيٸس جوبالارمەن تانىسىپ شىقتى.
وسى رەتتە, پانفيلوۆ اۋدانىندا سالىناتىن اۆتوبەكەتتٸڭ جوبا-جوسپارىنا تولىقتاي قانىققان لاززات تۇرلاشوۆ توعىز جولدىڭ تورابىنا ورنالاسقان اتالمىش جوبانىڭ وبلىس ەكٸمٸنٸڭ نازارىندا ەكەنٸن ايتا كەلٸپ, ونداعى قۇرىلىس ساپاسىنىڭ قاتاڭ باقىلاۋدا ۇستالۋىن تاپسىردى.
– بۇل جوبانىڭ حالىقارالىق ماڭىزى بار نىسان ەكەنٸن بٸلەمٸز. ونىڭ ٷستٸنە ول جولاۋشىلار ٷشٸن كٶپسالالى ەرٸ كەشەندٸ قىزمەت كٶرسەتۋ مٷمكٸندٸگٸنە يە. سول سەبەپتٸ دە ونىڭ ٸشكٸ-سىرتقى ەرلەۋ جۇمىستارى زامان تالابىنا ساي, كٶڭٸلگە قونىمدى بولۋى تيٸس, – دەدٸ لاززات ماحاتۇلى.
ايتالىق, قازٸرگە دەيٸن اۆتوتۇراق, سۋ جٷيەلەرٸ, ٸشٸنارا ديزاين ٷلگٸسٸ قايتا قارالىپ, رەتتەۋ جۇمىستارىن ٶتكەرگەن مەكەمە جوباسى كٶپشٸلٸك تاراپىنان قولداۋ تاپقانىمەن, ەلٸ دە بولسا عيمارات سىزباسىنا ٶزگەرٸستەر ەنگٸزۋ كەرەكتٸگٸ بايقالادى.
باسقوسۋ بارىسىندا ٶڭٸر ەكٸمٸنٸڭ بٸرٸنشٸ ورىنباسارى قۇرىلىس قارقىندى جٷرگٸزٸلگەن سايىن وعان دەگەن جاۋاپكەرشٸلٸكتٸڭ دە ارتا تٷسەتٸنٸن, سونىمەن بٸرگە, ونىڭ سەۋلەتٸ دە باستى نازاردا بولۋى كەرەكتٸگٸن باسا ايتتى. وسىعان وراي, قۇرىلىس سالاسىنىڭ ماماندارى باس قوسقان جيىندا ايماقتا سالىناتىن بٸرقاتار نىساننىڭ تۇرعىزىلۋ تەرتٸبٸ دە قارالدى. نەتيجەسٸندە, ولقىلىقتار تٷزەتٸلٸپ, ەندٸگٸ جەردە كەمشٸلٸكتەردٸڭ قايتالانباۋى كەرەكتٸگٸ ەسكەرتٸلدٸ.
مەسەلەن, تالدىقورعاندا بوي كٶتەرگەن ەڭسەلٸ ٶنەر ورداسى – وبلىستىق دراما تەاتر قۇرىلىسى دا ەكٸمدٸك نازارىنان تىس قالعان ەمەس. سٶزٸمٸزدٸڭ كۋەسٸ سول, جيىن باراسىندا اتالعان نىسان قۇرىلىسىنا قاتىستى دا ماماندار پٸكٸرٸ دە تىڭدالدى. سونىڭ ٸشٸندە عيمارات قاسبەتٸنٸڭ قانداي ٷلگٸدە جاسالۋى كەرەكتٸگٸ تالقىلانىپ, بۇل مەسەلە تٶڭٸرەگٸندە قۇرىلىس الاڭىندا تاعى بٸر كەڭەس ٶتەتٸنٸ ايتىلدى.
باسقوسۋدا بۇدان بٶلەك تاعى بەس ينۆەستيتسييالىق جوبا قارالىپ, نىسانداردىڭ ورنالاسۋ, سالىنۋ تەرتٸبٸندەگٸ ارتىق-كەم تۇستارى سارالاندى. بەرٸندە دە قۇرىلىس ساپاسىنىڭ باستى نازاردا بولۋى قاتاڭ قاداعالاناتىنى ايتىلدى. سونىمەن قاتار, بيىلعى جىلى ەل اۋماعىندا دٷركٸرەپ ٶتەتٸن ايتۋلى شارا – استانانىڭ جيىرما جىلدىعىنا تارتۋ رەتٸندە سالىنىپ جاتقان نىسانداردىڭ دا جاي-جاپسارى باياندالدى.
قوزىباي قۇرمان,
الماتى وبلىسى
