Halyqaralyq baiqaýshylar Almatydaǵy sailaý ýchaskelerindegi jumysqa joǵary baǵa berdi, dep habarlaidy QazAqparat.
Daýys berý bastalǵannan beri halyqaralyq baiqaýshylar birneshe sailaý ýchaskelerinde bolyp, sailaý barysyna baǵa berdi.
Vengriialyq Shandor Kovach Qazaqstanǵa osymen besinshi ret halyqaralyq baiqaýshy retinde kelip otyrǵanyn jetkizdi.
«Men Qazaqstanǵa osymen besinshi ret halyqaralyq baiqaýshy retinde kelip otyrmyn. Buǵan deiingi sailaý siiaqty bul joly da joǵary deńgeide ótip jatyr. Qazir ótip jatqan sailaý erekshe, óitkeni ol pandemiiaǵa bailanysty óte aýyr kezeńde uiymdastyrylyp otyr. Ýchaskelerde kelýshiler úshin arnaiy kirý jáne shyǵý esigi uiymdastyrylǵanyn kórdik, bul óte jaqsy. Pandemiiaǵa qaramastan daýys berýshiler sany kóp bolady degen oidamyn»,-dedi ol.
Sonymen qatar, ol sailaý barysynda eshqandai zańbuzylýshylyqty baiqamaǵanyn jetkizdi.
«Ár adam óz quqyǵyn paidalanyp daýys bergeni durys, daýys berýshiler sany kóp bolǵan saiyn ol nátijeli bolady. Ózge elder siqiaty munda da jergilikti baiqaýshylar sailaý barysyn baqylaýda. Oǵan qosa sailaý barysymen tanysýǵa múmkindikter jasalǵan. Sailaý ýchaskesinde qajetti suraqtardy qoiyp, jaýap ala bildik, eshqandai problema bolǵan joq» ,-deidi Shandor Kovach.
Norvegiiadan kelgen halyqaralyq baiqaýshy Morten Midtskog sailaýda karantin sharalary qatań saqtalǵanyn jetkizdi.
«Búgingi sailaý durys uiymdastyrylǵan. Men búgin shamamen bes ýchaskege bardym. Men úshin sailaý barysyn baqylaý qyzyq boldy. Bizdiń Norvegiiada da sailaý osy úrdiste júredi. Degenmen, sizderde karantin sharalaryn saqtaýǵa jaqsy mán berilgen. Kelýshiler maska taqqan jáne dene qyzýlaryn tekserip kirgizýde. Joǵary dárejede uiymdastyrlyǵan. Jergilikti atqarýshy organdar jaqsy jumys istegeni kórinip tur»,- deidi sheteldik baiqaýshy.
