Búgingi QR Parlamenti Májilisi jáne máslihat depýtattaryn sailaý protsesin qazaqstandyq jáne táýelsiz halyqaralyq baiqaýshylar qadaǵalaýda. Solardyń biri Polsha respýblikasynan kelgen baiqaýshy Qazaqstanda ótip jatqan sailaý týraly pikirimen bólisti, habarlaidy QazAqparat.
«Qazaqstannyń damyp kele jatqan elderdiń biri. Búgin el úshin óte mańyzdy kún. Qazaqstan jańa dáýirdi bastaidy, sebebi sailaýda 5 birdei partiia tirkeýden ótti. Jáne adamdar tizimi kóp, bul jańa jaǵdai. Ózge postkeńestik memleketterge qaraǵanda Qazaqstanda júie men tártip erekshe baiqalady. Mysalyǵa Ýkraina men Belarýs elderindegi sailaýdy aitýǵa bolady. Al sizderde júie men tártip jáne el turaqtylyǵy baqylanady. Sondai-aq, sailaý protsesin qazaqstandyq emes, odan bólek halyqaralyq baiqaýshylardyń qadaǵalap jatqandyǵyn erekshe aityp ótken jón», - dedi Tomash Lents elordada táýelsiz halyqaralyq baiqaýshylardyń qatysýymen ótken baspasóz máslihatynda.
Aita ketsek, QR Syrtqy ister ministrliginiń málimetinshe, elordadaǵy sailaýdy 225 táýelsiz halyqaralyq baiqaýshy qadaǵalaýda.
