Foto: ortcom.kz
Pavlodar oblysyna qarasty Atameken kentiniń taiaýda ǵana halyq sailaǵan ákimi qyzmetinen óz erkimen ketýge ótinish jazdy. Bul týraly Pavlodar oblysynyń ákimi Asaiyn Baihanov aitty, dep habarlaidy Kazinform.
«Pavlodardyń dál janynda, 11 shaqyrym jerde Leninsk, qazirgi Atameken kenti bar. Biraq ataýy resmi túrde áli ózgergen joq. Qajetti sheshim qabyldandy. Sondyqtan jaqyn arada rásimder aiaqtalǵannan keiin ataýy resmi beriledi. Qazirgi ýaqytta resmi túrde Leninsk kenti dep atalady.
Rasynda da, ákim sailaýy tikelei halyqtyń qatysýymen ótti. Keibir ákimder qyzmetke basqa oimen keledi nemese halyqpen tikelei jumys isteý, 24 saǵat bailanysta bolý, halyq únine qulaq asý, kótergen máselelerin sheshý jumystaryna shydamai, ótinish jazyp, oryndaryn bosatady», – dedi óńir ákimi Ortalyq kommýnikatsiialar qyzmetindegi baspasóz máslihatynda BAQ ókilderiniń saýalyna orai.
Atap ótýinshe, ákimderdiń qyzmetinen óz erkimen ketýi - birinshi ret bolyp otyrǵan jait emes.
«Atameken kenti - 11 myń halqy bar Pavlodar oblysyndaǵy úlken aýyldyń biri. Ákimi «mundai rejimde, mundai kestede jumys istei almaimyn» dep óz erkimen ótinish jazdy», – dedi Asaiyn Baihanov.
