فوتو: ortcom.kz
پاۆلودار وبلىسىنا قاراستى اتامەكەن كەنتٸنٸڭ تاياۋدا عانا حالىق سايلاعان ەكٸمٸ قىزمەتٸنەن ٶز ەركٸمەن كەتۋگە ٶتٸنٸش جازدى. بۇل تۋرالى پاۆلودار وبلىسىنىڭ ەكٸمٸ اسايىن بايحانوۆ ايتتى, دەپ حابارلايدى Kazinform.
«پاۆلوداردىڭ دەل جانىندا, 11 شاقىرىم جەردە لەنينسك, قازٸرگٸ اتامەكەن كەنتٸ بار. بٸراق اتاۋى رەسمي تٷردە ەلٸ ٶزگەرگەن جوق. قاجەتتٸ شەشٸم قابىلداندى. سوندىقتان جاقىن ارادا رەسٸمدەر اياقتالعاننان كەيٸن اتاۋى رەسمي بەرٸلەدٸ. قازٸرگٸ ۋاقىتتا رەسمي تٷردە لەنينسك كەنتٸ دەپ اتالادى.
راسىندا دا, ەكٸم سايلاۋى تٸكەلەي حالىقتىڭ قاتىسۋىمەن ٶتتٸ. كەيبٸر ەكٸمدەر قىزمەتكە باسقا ويمەن كەلەدٸ نەمەسە حالىقپەن تٸكەلەي جۇمىس ٸستەۋ, 24 ساعات بايلانىستا بولۋ, حالىق ٷنٸنە قۇلاق اسۋ, كٶتەرگەن مەسەلەلەرٸن شەشۋ جۇمىستارىنا شىداماي, ٶتٸنٸش جازىپ, ورىندارىن بوساتادى», – دەدٸ ٶڭٸر ەكٸمٸ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا باق ٶكٸلدەرٸنٸڭ ساۋالىنا وراي.
اتاپ ٶتۋٸنشە, ەكٸمدەردٸڭ قىزمەتٸنەن ٶز ەركٸمەن كەتۋٸ - بٸرٸنشٸ رەت بولىپ وتىرعان جايت ەمەس.
«اتامەكەن كەنتٸ - 11 مىڭ حالقى بار پاۆلودار وبلىسىنداعى ٷلكەن اۋىلدىڭ بٸرٸ. ەكٸمٸ «مۇنداي رەجيمدە, مۇنداي كەستەدە جۇمىس ٸستەي المايمىن» دەپ ٶز ەركٸمەن ٶتٸنٸش جازدى», – دەدٸ اسايىن بايحانوۆ.
