Qazaqstannyń halyq sanaǵy osy jyldyń qazan aiynda ótedi. Bul jaiynda Aqordada Reformalar jónindegi Joǵary keńestiń úshinshi otyrysy barysynda Memleket basshysy Qasym-Jomart Toqaev aitty.
«Halyqtyń ulttyq sanaǵyn uiymdastyrý máseleleri jaiynda aita kele Qasym-Jomart Toqaev osynaý aýqymdy shara mańyzdy saraptamalyq málimetterdi, onyń ishinde halyqtyń shynaiy sanyn, olardyń jastaryn, genderlik quramyn, ýrbanizatsiia dárejesin, kiris deńgeiin jáne durys, negizdi basqarýshylyq sheshimder qabyldaý úshin qajetti ózge de málimetterdi alýǵa múmkindik beretindigin atap ótti. Sondyqtan Prezident barynsha qajetti málimetter alý úshin saýalnamany mazmundyq jaǵynan tolyqtyrý máselesine nazar aýdartty», - delingen Aqordanyń baspasóz qyzmeti taratqan aqparatta.
Bul rette Memleket basshysy kóp suraqtarmen azamattardyń basyn qatyrmaý qajettigine, ásirese qazirgi pandemiia jaǵdaiyn eskere otyryp, tsifrlyq tehnologiialardy keńinen paidalaný kerektigine nazar aýdartqan.
«Memleket basshysy halyq sanaǵyn daiyndaý jáne ótkizýmen bailanysty negizgi uiymdastyrýshylyq jáne mańyzdy máselelerdiń sheshimimen ainalysatyn Premer-Ministr birinshi orynbasarynyń tóraǵalyǵymen arnaiy jumys tobyn qurýdy tapsyrdy. Sanaq osy jyldyń qazan aiynda ótýi, al 2022 jyldyń ortasynda Úkimet sońǵy málimetterdi jariia etýi tiis», - delingen taratylǵan aqparatta.
Aita ketsek búgin Aqordada Memleket basshysy Qasym-Jomart Toqaevtyń tóraǵalyǵymen Reformalar jónindegi Joǵary keńestiń úshinshi otyrysy ótti.
Is-sharanyń kúntártibine Qazaqstan Respýblikasyn 2025 jylǵa deiin damytýdyń ulttyq josparyn, memlekettik josparlaýdyń jańa júiesin, 2030 jylǵa deiin memlekettik bsqarýdy damytý tujyrymdamasyn, 2021-2025 jyldarǵa arnalǵan jekeshelendirý josparyn ázirleý, sonymen qatar shuǵyl reformalar toptamasy men halyqtyń ulttyq sanaǵyn ótkizý máseleleri kirdi.
.jpeg)