Aqparat jáne qoǵamdyq damý ministri Dáýren Abaev koronavirýsqa qarsy kúreste Prezidenttiń saiasatyn halyqtyń basym bóligi qoldap, túsiniktikpen qarap otyrǵanyn aitty, dep habarlaidy QazAqparat.
«Búgingi kúni sarapshylardyń bári de bir aýyzdan Prezident pen Úkimettiń júieli saiasatty júrgizip otyrǵanyn aityp jatyr. Bul neni bildiredi? Iaǵni bul - qazir biz ekonomika men densaýlyqtyń qaisysy mańyzdy dep tańdaý jasap otyrmaǵanymyzdyń aiǵaǵy. Sol sebepti aýrýǵa qarsy kúreske de, ekonomikanyń salalaryn qoldaýǵa da orasan zor qarajat bólinip jatyr. Odan basqa, karantin sharalaryn kezeń-kezeńmen jeńildetý – áldebir intýitivti áreketter emes, olar epidemiologiialyq ahýalǵa naqty negizdelgen», - dedi Dáýren Abaev «Ashyq dialog» baǵdarlamasynda.
Ministrdiń aitýynsha, qazirgi tańda analiz, boljaý jumystary árdaiym júrgizilip, nátijesinde osyndai sheshimder qabyldanyp jatyr.
«Azamattardyń kóbi koronavirýsqa qarsy kúreste Prezidenttiń saiasatyna túsinistikpen, qoldaý nietimen qaraitynyn atap ótkim keledi. Bizdiń málimetke sáikes, Prezidenttiń ultqa jasaǵan sońǵy úndeýin kútý reitingi óte joǵary bolǵan. Al bul úndeýge jaǵymdy kózqarastyń odan da mańyzy zor», - dedi vedomstvo basshysy.
