اقپارات جەنە قوعامدىق دامۋ مينيسترٸ دەۋرەن اباەۆ كوروناۆيرۋسقا قارسى كٷرەستە پرەزيدەنتتٸڭ ساياساتىن حالىقتىڭ باسىم بٶلٸگٸ قولداپ, تٷسٸنٸكتٸكپەن قاراپ وتىرعانىن ايتتى, دەپ حابارلايدى قازاقپارات.
«بٷگٸنگٸ كٷنٸ ساراپشىلاردىڭ بەرٸ دە بٸر اۋىزدان پرەزيدەنت پەن ٷكٸمەتتٸڭ جٷيەلٸ ساياساتتى جٷرگٸزٸپ وتىرعانىن ايتىپ جاتىر. بۇل نەنٸ بٸلدٸرەدٸ? ياعني بۇل - قازٸر بٸز ەكونوميكا مەن دەنساۋلىقتىڭ قايسىسى ماڭىزدى دەپ تاڭداۋ جاساپ وتىرماعانىمىزدىڭ ايعاعى. سول سەبەپتٸ اۋرۋعا قارسى كٷرەسكە دە, ەكونوميكانىڭ سالالارىن قولداۋعا دا وراسان زور قاراجات بٶلٸنٸپ جاتىر. ودان باسقا, كارانتين شارالارىن كەزەڭ-كەزەڭمەن جەڭٸلدەتۋ – ەلدەبٸر ينتۋيتيۆتٸ ەرەكەتتەر ەمەس, ولار ەپيدەميولوگييالىق احۋالعا ناقتى نەگٸزدەلگەن», - دەدٸ دەۋرەن اباەۆ «اشىق ديالوگ» باعدارلاماسىندا.
مينيستردٸڭ ايتۋىنشا, قازٸرگٸ تاڭدا اناليز, بولجاۋ جۇمىستارى ەردايىم جٷرگٸزٸلٸپ, نەتيجەسٸندە وسىنداي شەشٸمدەر قابىلدانىپ جاتىر.
«ازاماتتاردىڭ كٶبٸ كوروناۆيرۋسقا قارسى كٷرەستە پرەزيدەنتتٸڭ ساياساتىنا تٷسٸنٸستٸكپەن, قولداۋ نيەتٸمەن قارايتىنىن اتاپ ٶتكٸم كەلەدٸ. بٸزدٸڭ مەلٸمەتكە سەيكەس, پرەزيدەنتتٸڭ ۇلتقا جاساعان سوڭعى ٷندەۋٸن كٷتۋ رەيتينگٸ ٶتە جوعارى بولعان. ال بۇل ٷندەۋگە جاعىمدى كٶزقاراستىڭ ودان دا ماڭىزى زور», - دەدٸ ۆەدومستۆو باسشىسى.
