Amanat partiiasynyń tóraǵasy Erlan Qoshanov aldaǵy prezidenttik sailaýda Qasym-Jomart Toqaevty qoldaityn halyqtyq koalitsiiaǵa kimder kirgenin aitty, - dep habarlaidy "Ult aqparat".
Astanadaǵy koalitsiia forýmynda Májilis spikeri jaqyn arada búkil el boiynsha belsendiler men qoǵamshyldardy biriktiretin respýblikalyq shtab qurylatynyn málimdedi.
Onyń aitýynsha, sailaý naýqany barysynda birden birneshe respýblikalyq qoǵamdyq birlestik Memleket basshysy Qasym-Jomart Toqaevty prezidenttike usyný týraly sheshim qabyldaǵan.
"Barlyǵymyz ártúrli uiym men partiia ókilimiz, biraq bárimiz bir týdyń astynda birigip otyrmyz. Onyń ataýy - Ádiletti Qazaqstandy qurý. Biz osy qadam arqyly dala demokratiiasynyń dástúrine beriktigimizdi kórsetip, ótken ǵasyrlarda ordaly Ordabasyda, qasietti Qaraqumda, ult besigi Ulytaýda shaqyrylǵan tarihi quryltailardyń tabiǵi sabaqtastyǵyn jalǵap otyrmyz", - dedi Qoshanov.
Halyqtyq koalitsiia quramyna kirgender:
Ulttyq eriktiler jelisi, Qazaqstannyń azamattyq aliansy, "Qazaqstan ten" jastar birlestigi, Ardagerler uiymy, Qazaqstandyq sportshylar odaǵy, Qazaqstan máslihattary depýtattarynyń birlestigi, Generaldar keńesi jáne "Qazaqstan ardagerleri" qaýymdastyǵy, sondai-aq úsh parlamenttik fraktsiia - Amanat, Qazaqstan Halyq partiiasy jáne "Aq jol".
