Foto: elements.envato.com
Úkimet kýlýarynda jýrnalister jańadan taǵaiyndalǵan Energetika ministri Almasadam Sátqalievten AES salý máselesin sheshýde qazaqstandyqtardyń pikiri qalai eskeriletinin surady, - dep habarlaidy Tengrinews.kz agenttigi.
Atap aitqanda, ministrge atom elektr stantsiiasyn salýdyń oryndylyǵy týraly qazaqstandyqtardyń pikirin bilý úshin referendým ótkizile me degen suraq qoiyldy.
Sátqalievtiń aitýynsha, múmkindiginshe qoǵamdyq pikir eskeriledi. Bul rette ministr atom elektr stantsiialaryn salýdyń qoldanystaǵy tártibine toqtalyp, onda qalai júzege asyrý kerek ekeni kórsetilgenin aitty.
"Meniń jeke pikirim: referendým halyqtyń kópshiligi osy stantsiiany qoldaityny nemese qoldamaitynyn túsiný úshin qajet. Muny qamtamasyz ete alatyn ártúrli mehanizmder bar. Eger halyq qarsy bolsa, stantsiia salynbaidy, ol túsinikti. Muny qalai jasaý kerek ekeni - referendým nemese keńeitilgen qoǵamdyq tyńdaýlar nemese Parlamenttegi otyrystar - talaptarǵa sáikes qamtamasyz etiledi. Erejeler, protsedýralar bar, sáikes baqylaý organdaryn úilestirýge jáne qurýǵa qatysty máseleler bar. Meniń oiymsha, bul bastapqy núkte bolýy kerek. Óte kúrdeli ǵimarat. Stantsiianyń qurylysyn qazirden bastasaq, kem degende 10 jylda aiaqtalatynyn túsiný kerek. Jaqsy jaǵdaida birinshi bloktar bolady. Biraq sozyp júrýge de bolmaidy", - dep jaýap berdi Energetika ministri.
Atom elektr stantsiiasyna qatysty óziniń jeke ustanymyna toqtalǵan Sátqaliev qurylysty jaqtaitynyn jáne stantsiia salýǵa kez kelgen nysanda daýys berýge daiyn ekenin aitty.
