Bul týraly «Halyq bank» AQ-nyń basqarma tóraǵasy Úmit Shaiahmetova Kazakhstan Growth Forum is-sharasynda aitty, dep habarlaidy Ulysmedia.kz.
«Bizde máselen, Moskommertsbank bank bar (Halyq banktiń enshiles kompaniiasy). Keshe Reseide mobilizatsiia jariialanǵannan keiin sol banktegi 80-ge tarta qyzmetker táýekelde qaldy. Kóbi aitishnikter. Kóbine áskerge shaqyrtý kelgen. Iaǵni kúndelikti operatsiialyq máseleler bizdi kúnbe-kún taýyp alatyn bolǵan. Ony biz buryn oilamappyz da. Al operatsiialyq táýekelderdiń bárin ýaqtyly jaýyp otyrý kerek. Al sonshalyqty adamdy qaidan tabamyz? Olardyń ornyn kim jabady? Biz kovid kezeńinen óttik. Beiimdele bastadyq. Biraq alda bizdi ne kútip turǵanyn bilmeimiz. Ókinishke qarai, bul úlken tegeýrinder», - deidi Úmit Shaiahmetova.
Aita ketsek, Almatyda biznes elitanyń mańyzdy oqiǵalarynyń biri – Kazakhstan Growth Forum ótip jatyr. Sońǵy 12 jyl boiy Kazakhstan Growth Forum jyl saiyn qazaqstandyq biznestiń negizgi qatysýshylaryn, memlekettik organdardyń ókilderin, táýelsiz saiasattanýshylardy, ekonomisterdi jáne eń myqty top-menedjerlerdi jinap, ózekti máselelerdi talqylap keledi.
Biyl forýmda qazaqstandyq jáne halyqaralyq kompaniialardyń 200-den astam bas direktory bas qosyp, biznes strategiialaryn qaita qarastyryp, jańa shyndyqta jańa sheshimder taýyp, pikir almasady.
Eske sala ketsek Resei prezidenti Vladimir Pýtin elinde ishinara mobilizatsiia jariialaǵan bolatyn.
