Qarjy naryǵyn retteý jáne damytý agenttiginiń tóraǵasy Mádina Ábilqasymova Halyq bankin satýǵa eshqandai negiz joq ekenin málimdedi, dep habarlaidy Sputnik Qazaqstan.
Búgin Cenat otyrysynan keiin jýrnalister agenttik tóraǵasynan halyq arasynda taraǵan áńgime týraly surady. Sonyń biri - referendýmnan keiin Halyq bank satylýy múmkin degen aqparat.
Qarjy naryǵyn retteý jáne damytý agenttiginiń tóraǵasy Mádina Ábilqasymovanyń aitýynsha, elimizdegi iri qarjy insitýtyn satýǵa eshqandai negiz joq.
"Bizdiń qarjy júiemizde Halyq bank eń turaqty bank bolyp sanalady. Korporativti basqarý jaǵynan da úzdik qarjy uiymy retinde tanylǵan. Aktivter boiynsha birinshi orynda tur. Sondyqtan onyń turaqtylyǵyna qatysty eshqandai másele joq", - dedi Ábilqasymova.
Agenttik tóraǵasy bank júiesiniń turaqtylyǵyn barynsha qamtamasyz etý boiynsha tiisti sharalar atqarylyp jatqanyn da erekshe atap ótti. Negizgi maqsat – halyqtyń salymdaryn qorǵaý.
Osyǵan bailanysty bankterge naqty talap qoiylady. Sonyń ishinde qajetti aqshany bolýy jáne kreditterdiń kólemine qatysty mindetter bar.
"Halyq bankin satýǵa eshqandai negiz joq. Bul – absoliýtti turaqty bank", - dep atap ótti Ábilqasymova.
