Almaty qalasy qoǵamdyq densaýlyq basqarmasynyń baspasóz qyzmeti BAQ pen áleýmettik jelide jariialanǵan «Halyq Arenadaǵy» gospitalde 70 patsientke az dáriger jumys isteidi jáne dárigerler jaǵdaidy kótere almai otyr» degen úndeýdi qarap, bul aqparattyń shyndyqqa janaspaitynyn aitty, dep habarlaidy "Ult aqparat".
Qazaqstan Respýblikasy Densaýlyq saqtaý ministriniń 2010 jylǵy 7 sáýirdegi №238 «Óńirlerdi meditsinalyq qyzmetkerlermen qamtamasyz etý standarttaryn bekitý týraly» buiryǵyna sáikes juqpaly aýrýlar bólimshesinde shtattyq normativ boiynsha 20 tósek-orynǵa arnalǵan juqpaly aýrýlar bólimshesinde infektsionist-dárigerdiń bir laýazymy jáne táýlik boiy 1 meiirbike usynylady.
2021 jylǵy 12 sáýirdegi jaǵdai boiynsha «Halyq Arena» statsionarynda 9 dáriger jáne 2 reanimatolog-dáriger 68 patsientke jumys istegen.
«Halyq Arena» statsionary 2020 jyldyń shilde aiynda 1000 tósek-oryn rezervte turǵan, óz jumysyn 2021 jyldyń 1 sáýirinen bastady. Ýaqytsha statsionar «Ftiziopýlmonologiia ortalyǵynyń» meditsinalyq qyzmetterimen qamtamasyz etedi. Munda pnevmoniia jáne KVI aýyrlyǵy ortasha jáne jeńil naýqastar qabyldanady.
Infektsiialyq tósek-oryndar patsientterdi aýrýhanaǵa jatqyzý negizinde kezeń-kezeńimen ornalastyrylady. Dárigerler toby júktemeler boiynsha belgilengen standarttarǵa sáikes ornalastyrylady. Jalpy «Halyq Arena» bazasynda 25 bólimshe jáne 15 meditsinalyq beket ornalastyrylǵan.
Ýaqytsha statsionarda kadrlyq jaǵynan jáne dári-dármekpen qamtamasyz etýde eshqandai qiyndyq týyndamaǵan.
Ótinish anonimdi bolǵandyqtan, dárigerlerdi aralaý, keńes berý jáne emdeýdi taǵaiyndaý jýrnaldaryn qarap, onyń durystyǵy men obektivtiligin tekserý múmkin emes.
