Halel Dosmuhamedov atyndaǵy Atyraý ýniversiteti aimaq naryǵynda 70%-dan astam úlesimen ústemdikke ie. Bul Básekelestikti qorǵaý jáne damytý agenttiginiń Atyraý oblysy boiynsha departamenti joǵary bilim berý (bakalavriat) qyzmetteri naryǵynda básekelestiktiń jai-kúiin taldap, baǵalaý júrgizý kezinde anyqtaldy, dep habarlaidy QazAqparat.
«Atalǵan JOO-da «Standarttaý, metrologiia jáne sertifikattaý», «Esepteý tehnikasy jáne baǵdarlamalyq qamtamasyz etý», «Aqparattyq júieler» jáne basqa da birqatar mamandyqtar boiynsha oqý quny Atyraý injenerlik-gýmanitarlyq institýty, Safi Ótebaev atyndaǵy Atyraý munai jáne gaz ýniversitetindegi uqsas mamandyqtarǵa qaraǵanda 35-60%-ǵa joǵary ekeni belgili boldy», - dep jazdy vedomstvodan.
Osyny qaperge alǵan óńirlik monopoliiaǵa qarsy departamenti Halel Dosmuhamedov atyndaǵy Atyraý ýniversitetine qatysty 2022 jyldyń 10 maýsymynda monopoliialyq joǵary baǵalardy belgilep, ustap turǵany úshin tergep-tekserý jumystaryn bastady.
